FLWMB- 22

ARU

"Aru, hindi ako natutuwa na nakikipag-usap ka sa mga Malaque," ang sabi ni tiyang Ysabel.

Hindi ako sumagot at nagpatuloy lang sa paghahalo ng harina at itlog para sa gagawin kong kwek-kwek.

"Pagkatapos mo diyan, kumain ka na."

"Opo," ang sabi ko.

Nang mawala si tiyang Ysabel sa harapan ko, agad akong tumayo para kunin ang diary ni mama na nakita ko sa mga gamit ni Tiyang.

Binuklat ko iyon at binasa ang unang pahina na nagsasaad tungkol sa anak niya. Sa kasamaang palad, hindi ako ang anak na tinutukoy niya.

"Ngayon ko lang nalaman, Clark pala ang pinangalan sa'yo ng mga magulang ni Aru, anak. Kamusta ka na anak? Pasensya ka na kung hindi si mama ang mag-aalaga sa'yo. Mahal na mahal kita."

Napangiti ako habang nakatingin sa diary ni mama Cecil. Ang alam ko, 10 days bago niya manganak, pinatay na siya no'ng taong gumahasa sa kaniya. Si Renan Abeola.

Nakasulat lahat sa diary ni mama Cecil ang tungkol sa naging buhay niya. No'ng una, narinig ko si tiyang na kausap ang puntod