KABANATA 7

HINDI umuwi si Mikael ng gabing iyon, samantalang si Athena ay patuloy na naghihintay, hindi siya makatulog. Nag-aalala siya para dito ngunit wala naman siyang magawa kundi ang tumunganga at maghintay nga.

Napa buntong hininga siya ng malalim.

May suspetsa si Athena na may nangyayaring hindi niya alam at ayaw sabihin sa kanya ni Mikael dahil sa napansin niya ito na labis na nagmamadaling lumabas ng bahay kaninang umaga, na para bang nag-aalala na may mangyayari kaya dahil dun ay bigla niyang naisipang tawagan ito pero hindi ito sumasagot sa tawag niya, kaya naisipan niyang tawagan ang assistant ni Mikael.

"Hello po, Assistant Cruz, kasama mo ba si Mikael? "

"Hello din po Mrs.Ruiz, uhmm, si Mr. Ruiz ay hindi ko po kasama ngayon, at hindi naman siya nag-arrange ng overtime ngayon, may problema po ba?"

"Ahh ganun ba, sige o-okay, walang problema, salamat, paalam."

"Walang anuman po ma'am, paalam."

Matapos ibaba ang telepono, ay bigla namang naging hindi komportable sa tiyan ang nadama ni Athena, kaya agad siyang uminom ng isang basong tubig sa kusina.

Hindi siya mapakali buong gabi at nakaupo lang siya sa sala na naghihintay sa pag-uwi ni Mikael. 

Kinabukasan ay nagising siya ng napakaaga, at hindi pa rin bumabalik si Mikael. Pero kahit ganun pa man ay iniisip niyang baka anong oras ngayong umaga ay dumating kaya pinilit niya ang katawan na bumangon upang magluto ng almusal.

Nang matapos siyang magluto ay dumiretso siya sa living room area ng bahay nila. Binuksan niya rin ang TV, upang manood ng palabas at aliwin na rin ang sarili habang naghihintay sa pag-uwi ni Mikael. Nang biglang nag news flash.

Sabi ng reporter:

"Ang kilalang sikat na model na si Trisha Buenavista ay bumalik na sa bansa, at ang presidente ng SR Group ay namataang sinundo sa airport ang sikat na modelo, at dahil dito may suspetsa ang marami na baka nagkabalikan na ang dalawa......"

HIndi na masayadong narinig ni Athena ang iba pang detalyi na sinasabi ng repoter. Para siyang nabingi sa mga nakita at narinig. Hindi niya na rin namalayan na ang kutsara sa kamay niya ay bumagsak sa mesa ng marinig ang balita.

'Ganoon pala...'

'Siya pala iyon, si Trisha Buenavista ang tanging nasa puso ni Mikael Angelo Ruiz...'

Parang sumikoip bigla ang kanyang dibdib.

'Kaya pala na biglaan itong umalis kahapon at hindi pumunta sa bahay ng kanyang lolo para sa hapunan, at ni hindi bumalik ng buong gabi, iyon pala upang sunduin lamang siya, sigurado baka sila ay magkasama rin kagabi.'

…

PILIT na iwinaksi ni Athena ang pag-iisip tungkol sa narinig at napanood sa TV, agad niyang kinain ang lugaw sa bowl, ng matapos ay inilagay ito sa kusina, hindi niya ito hinugasan, at bumalik sa living room, umupo ito sa sofa na para bang may malalim na iniisip.

'Waring oras na upang umalis.' nasa isip niya at inilagay niya ang kanyang mga kamay sa kanyang tiyan.

"Baby, maaaring malapit na tayong iwanan ni Daddy, pasensiya na at hindi kayang sabihin ni Mommy kay Daddy ang tungkol sa iyo, pero sinisiguro ko, mahal ka ng lubos ni Mommy, at pupunan ko ang kakulangan ng Daddy mo."

Si Athena ay hindi kumain ng anumang pagkain sa buong araw, naghihintay siya sa pagbabalik ni Mikael, ito ang unang pagkakataon sa loob ng tatlong taon nilang pagsasama ay naghihintay at umaasa siyang umuwi si Mikael, ngunit natatakot rin siya na baka ang unang gagawin nito sa pag uwi ng bahay nila ay ang pakikipaghiwalay sa kanya.

Nag-aalala siya kung sila ba ng Trisha Buenavista ay nagkabalikan nga ba?

Pumunta si Mikael sa airport upang sunduin ito, at possible na magkasama ang dalawa.

…..

Kinalaunan ay bumalik si Mikael sa bahay nila ni Athena na gabi na, bumulaga sa kanya ang napaka tahimik na bahay. Walang Athena na palaging sumasalubong sa kanya sa pintuan upang batiin siya tulad ng dati, at ni hindi ito nag handa ng hapunan sa hapagkainan tulad ng ginagawa nito palagi.

Bigla namang nakaramdam ng kaunting pagkabahala sa biglang katahimikan si Mikael.

Iniisip niya na lang na baka si Athena ay nasa itaas kaya agad siyang tumuloy papunta na sana siya sa hagdanan, ngunit nang siya'y paakyat na ng unang baitang ng hagdan, ay may napansin siya na may nakahiga sa sofa ng mapalingon siya sa may living room area,kaya agad itong lumapit dito at doon niya nakitang natutulog si Athena.

Narinig naman ni Athena ang boses ni Mikael, kaya’y unti-unti itong nagising, at tumingin sa taas upang makita si Miakel na nakatayo sa gilid ng sofa. Matapos ang isang sandali, siya ay bumangon at umupo ng tuwid.

Hindi niya alam kung gaano katagal na ito dumating at nakatayo sa tabi ng sofa.

'Bakit ka bumalik?' Tanong ni Athena sa kay Mikael.

Iniisip niya kasi na hindi na ito babalik ngayong gabi, matapos ang lahat, at dahil sa kalat na rin ang balita tungkol dito at sa Trisha Buenavista na iyon.

"Saan naman ako pupunta kung hindi ako babalik?!" sabi ni Mikael na may maitim na mukha. Halatang lubos siyang hindi masaya sa kanyang narinig mula sa kay Athena.

Agad namang naramdaman ni Athena ang seryosong pananalita ni Mikael at halatang hindi ito masaya sa kanyang tanong.

 "Hindi... umm ang ibig kong sabihin ay akala ko may iba ka pang gagawin kaya hindi ko inaasahan na makakauwi ka ngayong gabi, pasensya ka na." Bumaba ang ulo ni Athena.

Nagkaroon ng konting katahimikan sa pagitan nila. 

'Pumunta ka sa airport para makita ang first love mo, at sabi ng balita na muling baka nagkabalikan na kayong dalawa na posibleng nagkabalikan kayo kaya ka hindi umuwi kagabi.'

Ito dapat ang gusto niyang sabihin pero hindi siya nagkalakas-loob na sabihin ng direkta ang bagay na nasa isip niya.

At dahil sa mahabang katahimikan ay binasag ri ni Athena ito. Para kasi siyang sinasakal sa sobrang katahimikam

"Ku-Kumain ka na ba?" biglang tanong naman ni Athena para lang mabasag ang katahimikan sa pagitan nila ni Mikael. "Nakatulog ako ng hindi sinasadya at nakalimutan ko magluto para sa hapunan."

Naalala ni Athena na medyo masama ang pakiramdam niya kanina. Nakatulog siya at nakalimutan niyang magluto.

"Hindi pa ako kumakain." matipid na sagot ni Mikael. Tumungo ito sa dining table nila at umupo.

Tiningnan siya ni Athena na halatang nakasimangot pa rin ang pagmumukha nito na, parang isang bata, kaya  minsan ay hindi maintindihan ni Athena kung bakit bigla-bigla na lang itong nagagalit o di kaya bigla na lang nag ta-tantrums.

"Magluluto ako ng pansit, okay lang ba iyon sa iyo?" tanong ni Athena kay Mikael.

"Okay." tanging sagot ni Mikael. 

Napailing na lang ng ulo si Athena at napangiti sa reaksyon ng mukha ni Mikael at sa matipid na sagot nito.