KABANATA 2

"WALA akong balak na pakasalan ka ngunit si Lolo ay nagpupumilit,may kung anong pagbabanta ang ginawa nito at ayaw ko namang atakihin siya sa puso ulit kaya wala akong magawa, kaya heto at pumayag ako sa gusto niya since naiintindihan ko naman ang rason niya at di ko kinakaila na malaki ang naging utang na loob ng aming pamilya sa Lolo mo kaya.” 

Tahimik lang si Athena at pino proseso ang bawat katagang binibitawan ni Mikael habang patukoy ito sa pagsasalita.

“At sa tingin ko naman hindi magiging problema iyon sa iyo o sabihin na lang natin kahit alang-alang nalang sa Lolo ko at sa Lolo mo.” 

Napailing ng ulo si Athena ng bahagya at diretsong tiningnan si MIkael dahil hindi niya ata naintindihan ang ibig sabihin nito.

“Pa-pasensiya na pero hindi ko maintindihan paano na involve si Lolo dito.”

Tumayo ng tuwid si Mikael at mas lalong lumapit pa kay Athena, si Athena naman ay napaatras hanggang sa naramdaman niya ang likod niya sa pader. Nakailang beses siyang napalunok ng laway sa sobrang lapit ni Mikael sa kanya.

“Bago nangyari ang trahedya ay narinig ko ang Lolo mo at si Lolo na nag-uusap,matagal na pala silang may kasunduan na ipakasal a ng kanilang  m ga anak kung sakaling meron, kaso parehos silang nagkaanak ng lalaki kaya naisip ni Lolo na bakit hindi na lang tayong dalawa.” 

Halos di makapaniwala si Athena sa narinig, para sa kanya isang kalukuhan ang mga naging kasunduan ng mga Lolo nila. 

“Huwag kang mag-alala, kung papayag ka ay sisiguraduhin kong ibibigay ko sa iyo ang titulong Mrs. Ruiz, magiging totoong mag-asawa tayo, at pagkatapos ng tatlong taon ay magpapa annul tayo at maghihiwalay.” sabi ni Mikael sa kanya sabay tingin nito sa mga mata niya ng diretso, “ what do you think?”

Nang marinig ni Athena ang mga sinabi ni Mikael ay biglang nabagabag ang kanyang loob pero aware naman siya na possibleng sabihin ni Mikael ang mga bagay na sinasabi nito sa kanya. Alam na ni Athena na siya lang ang nagnanais na magpakasal na bukal sa kanyang kalooban. 

Iyon ang totoo niyang nararamdaman. Sino ba ang ayaw magpakasal sa isang Mikael Angelo Ruiz?

Para sa kay Athena ay isa itong prebilihiyo sa katulad niya. Alam niya rin sa saloobin niya na unang kita niya pa lang sa kay Mikael ay gusto niya na ito. Pinangarap niya. Kaya kanina ng tanungin siya ni Lolo Don kung gusto niya ba makasal sa kay Mikael ay hindi siya nakapagsalita dahil sa ayaw niya. Ang totoo ay natameme siya sa sobrang galak at saya, kahit mukhang makasaril at one sided.

Kalaunan ay pumayag rin siya sa mga sinabi ni Mikael nagkasundo silang dalawa na magpakasal ngunit may mga kondisyon si Mikael at wala naman siyang magagawa dun.

Pero masayang-masaya ang Lolo Don sa naging desisyon nilang dalawa ganun din ang mga magulang ni Mikael. 

Gumawa si Mikael ng kasunduan tungkol sa kanilang pagpapakasal. Hindi niya binasa ang nilalaman dahil hindi niya nais na makita ni Mikael na atat na atat siyang magpakasal dito. 

Isa pa hindi niya nais na mapahiya, kaya't mabilis niyang pinirmahan ang kanyang pangalan at ibinigay ito kay Mikael ang kasunduan kaagad.

Kinabukasan, matagumpay na nakuha nilang dalawa ang kanilang mga sertipiko ng kasal, walang bonggang kasalan, sa kagustuhan rin ni Mikael na wag isa publiko dahil ayaw nya ng issue at pag pyestahan ng media na sinang ayunan naman ng pamilya niya. Iyon ang naging kondisyon niya para pumayag siya magpakasal.

Pagkatapos magpakasal,lumipat si Athena at Mikael sa sariling villa nila. Dahil ayaw ni Mikael na may ibang taong umaaligid sa loob ng bahay nila ay hindi sila kumuha ng katulong. Kaya hindi nagtrabaho si Athena, siya mismo ang nagluluto araw-araw at ang umaasikaso sa kay Mikael bago ito pumasok sa trabaho at ganun rin pag umuwi ito. Naging full time housewife si Athena para kay Mikael.

Sa unang taon nilang magkasama ay maayos naman sila. Natutulog sila sa magkahiwalay na kwarto, at kumakain sila sa ancestral house ni Lolo Don kasama ang isa't isa tuwing weekend, dahil hindi madalas nasa bahay ang ama ni Mikael at ang ina nito.

Kung sobrang abala naman si Mikael, si Athena ang palaging kasama ni Lolo Don, palagi niya ring nararamdaman na ang pagkikita nila ni Lolo Don ay parang pagkikita at bonding na rin sa alaala ng Lolo niya.

Sobrang mapagmahal ni Lolo Don sa kanya at gayun din ang mga magulang ni Mikael, lubos din nilang nagustuhan si Athena, hindi nila nito hinahamak o pinagmataasan dahil lamang siya ay isang babae mula sa probinsya. 

Kaya si Athena ay kahit na casual at discrete lang sila ni Mikael ay okay lang sa kanya, bawing-bawi rin naman kasi sa pamilya nito na sobrang mahal na mahal siya. 

Pero habang binabalikan ni Athena ang nangyari sa mga nakaraan na taon ay napangiti siya ng mapait ng maalala ang minsan na sinabi ni Mikael. 

‘Ayaw ko na magkaanak tayo, magiging komplikado ang lahat at maapektuhan ang kontrata.” 

Agad siyang napahawak muli sa tiyan niya, hinimas niya ito habang iniisip na sana ay nararamdaman ng bata sa sinapupunan niya ang kanyang haplos at pagmamahal kahit na hindi niya pa ito nakikita o nahahawakan. 

“ Ano ba sa tingin mo ang kailangan kong gawin baby?”