CHAPTER 4: SENTIMENTS

Did she just say yes to this stranger? Ano ang nangyayari sa kanya? Ano itong pakiramdam niya na hindi niya maintindihan? Lihim na tinatanong ni Yelena ang sarili habang nakatitig sa mga mata ng estrangherong katabi. Hindi pa siya umiinom, but her mind was already clouded with thoughts she didn't know she was capable of.

Tila may kuryente at mainit na bagay na tumutulay sa mga ugat niya mula sa kamay nitong humahaplos sa batok niya pakalat sa kaniyang katawan.

Nasubukan niya na rin namang madikit kina Tyler at Kiel, pero hindi niya naramdaman ang ganito.

Ipinilig niya ang ulo. No! Umoo siya dahil gusto niya lang tumikim ng alak. Iyon lang 'yon. "Tikim lang," she said in a small voice. "Gusto ko lang ma-try kung ano'ng lasa."

Pero paano kung totoo ang sinasabi nito na epekto ng alak at mapahamak siya? Pinaalalahanan na siya ni Tyler.

Isa ba ang estrangherong kaharap sa sinasabi ni kuya na agila na dumadagit ng sisiw? piping tanong ni Yelena sa sarili.

Alam niyang ang ibig sabihin ni Tyler sa agila ay mga lalaking may masamang motibo. Isa ba ito?

She stiffened. Pasimpleng tinabig ang kamay nitong nakahawak sa kaniyang batok.

Na-offend ito, but she noticed how he hid his emotion well. His face became stoic. "Curiousity huh?" Sinalinan nito ng tequila ang walang lamang shot glass at inilapit sa kanya.

"Yes," walang gatol niyang sagot at inabot ang basong binibigay nito. Inilapit niya muna 'yon sa kaniyang ilong bago idinikit sa kaniyang labi.

1, 2, 3...

Habang nakapisil sa ilong ang isang kamay ay nakapikit na nagbilang siya sa isip bago nilagok ang hawak.

Gumuhit ang mainit na likido sa kanyang lalamunan pababa sanhi upang maluha siya at ihitin ng ubo.

"Hindi masarap!" bulalas niya habang hindi maipinta ang mukha. Inilapag niya sa harap ang maliit na baso. "Isa pa!"

Hindi niya alam pero biglang tumawa ng malakas ang lalaking katabi. At mas lalong hindi niya maintindihan kung bakit tila may humaplos na magaan na bagay sa kanyang puso sa nasaksihan.

"Dahan-dahanin mo pag-inom, Lena. Ayokong makipag-usap sa lasing," he commented, a light teasing in his voice.

"Nyenyenye," naka-make face niyang pang-aasar rito.

Natatawa, naiiling itong sinalinan siya ulit at inabot sa kaniyang muli.

"Saan nanggagaling ang curiousity mo?" tanong nito matapos niyang abutin ang shot glass.

She drank it slowly first and winced before she answered. "Sa loob ng 23 years, pakiramdam ko nakakulong ako."

Inilapag niyang muli ang baso. This time, sa tapat na nito. Then she looked directly at his eyes. "Ang dami kong namiss sa buhay. Ang dami kong gustong maranasan."

Humalukipkip ito. "Katulad ng?"

Nilingon niya ang dalawang babae sa bandang kanan niya upang ituro ngunit wala na ang mga ito roon.

She roamed her eyes around. Hindi siya nahirapan. Tama si Tyler nang sabihing nagpapa-sexyhan ang mga babae sa loob ng bar. Inginuso niya ang nakapaligid sa kanila. "Ganiyan. Gusto kong makapagsuot ng sexy na damit na katulad ng kanila. I want to know if what Aiessa and Reika told me before was true." She shrugged. "They said wearing sexy dress will make you look good and will make you feel really really confident." Hindi niya ito hinintay magkomento at itinuro ang babaeng susuray-suray na dumaan sa harap nila. Little did she know that she is already getting the stranger's full interest and he is staring at her intently.

Nahagip ng pansin niya ang malaking tattoo ng babaeng lasing sa batok. "Parang gusto ko rin ng ganoon oh. Tattoo. Parang ang sexy tingnan."

Kahit maganda ang babaeng itinuro, hindi man lang nito nilingon. Patuloy lang na nakatitig ang lalaki sa kanya. "Ano pa?"

Saglit siyang nag-isip. "Gusto kong pumunta sa malayong lugar at lumayo sa pamilya ko kahit isang araw lang."

"Nagrirebelde ka, napapansin mo ba?" Muli nitong dinampot ang bote ng alak at sinalinan siya sa baso.

Siya na ang kumuha ng shot glass at diretsong ininom. Tila napaso ang lalamunan niya sa ginawa. "Alam ko." Pakiramdam niya umiikot ang paligid niya. Iyon na ba ang epekto ng alak?

"Bakit mo 'yan ginagawa?"

She massaged her forehead lightly in circular motion. Nahihilo na siya. "I want to break my sad monotonous gloomy life." Alam niyang kokondenahin siya nito at ng ibang tao na makakaalam ng iniisip niya pero sino ang makakasisi sa kaniya? "Kung napalaki ka sa paraan ng pagpapalaki sa akin, kung may magulang ka na may nakaraan na katulad ng sa akin, kung tinrato ka katulad ng pinaramdam nila sa akin, at kung may guardians ka na kasing-isktrikto na katulad ng sa akin, mapapaisip ka rin kung sasaya ka nga ba o kung may naghihintay sa iyo sa hinaharap." She raised her face on him. Bitterness crossed her eyes. "Matandang dalaga ang nag-aalaga sa akin, at parang ang gusto niya maging katulad niya rin ako. Tanggap ko na, kaya gusto kong gawin ang rebelyong ito, para alam mo 'yon?" Kumumpas ang kamay niya sa ere. "Kapag tanda ko, masabi ko na may exciting things din akong ginawa sa buhay ko kahit papaano."

"Saan mo gustong pumunta?" Awa man o hindi ang natunugan niya sa pagtatanong nito, hindi niya na inintindi.

"Palawan," mabilis niyang sagot. Madalas niya iyong makita sa telebisyon at gandang-ganda talaga siya sa lugar. Kapag nakarating siya roon ay gusto niyang ipinta ang pinakamagandang tanawin na makikita niya roon.

"I can help you. Taga-Palawan ako." Dumukot ito sa bulsa at may inabot sa kaniya, isang itim na calling card. "Call me if you want to go there. Sasamahan kita sa lahat ng mga gusto mong gawin."

Parang biglang nawala ang hilo niya at hindi makapaniwalang tumingin dito. Pagkasorpresa, pagkamangha, at pagdududa ay halo-halo niyang naramdaman.

Napagkamalan nitong takot ang reaksyon niya. He groaned inwardly. "Don't give me that look. I won't hurt you."

Alam ko, ang gusto niyang sabihin pero iba ang lumabas sa kaniyang bibig. "Isa kang estranghero."

Amusement lit his eyes. "Well, nag-open ka ng problema at mga plano mo sa estrangherong ito."

She whined and yanked her gaze away. Kinuha niya ang inaabot nito at ibinulsa. Biglang bumalik ang kaniyang pagkahilo. Siguro dahil hindi sanay, mababa ang kaniyang alcohol tolerance. Yumupyop siya sa magkabilang braso na nakapatong sa mesa.

Natatawa ang estrangherong katabi niya sa reaksiyon niya. "Mukhang lasing ka na. Juice ka na lang." Inilapit nitong muli sa kanya ang mocktail na unang in-order nito.

She straightened her back. Walang reklamo niya na 'yong tinanggap. "Sabi sa 'yo, ito ang iinumin ko. Okay na ito eh. Thank you."

Muling napahagalpak ang katabi niya.

Namumungay ang mata na uminom siya ng kaunti. A little bit bitter and sweet. Mas okay 'yon keysa sa alak.

"Lena," kuhang muli ni Angelo sa atensiyon niya. Tumingin siya rito. "Bakit pumunta ka rito ng mag-isa?"

"Hindi ako mag-isa." Nakasimangot niyang ikinuwento rito ang ginawa sa kaniya ni Tyler.

Hindi niya alam kung bakit nabura ang ngiti nito. "Kaibigan mo itong Tyler?"

"Best friend."

"Close kayo?"

Tuluyan na siyang napakunot-noo. "Oo. Lahat kaming magkakaibigan close. Bakit?"

"Wala." He gave her an indulgent smile, and changed the topic. "I watched you earlier. You danced so good. You moved like you own the music. Your attractive body line and posture matched your graceful movement and seductive look."

"Galing mo magcomment. Dancer ka?" Sumimsim siya sa juice na hawak habang nakatitig dito. Ang sarap nito pagmasdan. Nakangiti ito.

"Dati. Noong high school, sumasali ako sa mga competition."

She couldn't take her eyes off him. Napakagaan na ng dila niyang makipagkuwentuhan dito. "Nananalo ka naman ba?"

"Oo. Pamangkin ako ng vice-mayor. Mga kasama ko anak ng principal, anak ng mga councilor, sino'ng hindi mananalo?"

Natawa siya sa nais nitong ipahiwatig. "Backer is real ba? Iyon sa palagay mo ang reason kaya nananalo kayo?"

"Oo. Kaya nga itinigil ko na mag-compete. Mas nagagalingan kasi ako sa mga kalaban pero kami ang laging nananalo."

"Alam mo kung ano ang nasa isip ko?"

"Ano?"

"Magaling ka. Humble ka lang. Hindi porke't nagalingan ka sa iba, ikaw hindi na magaling. May kanya-kanya tayong galing na taglay."

The corner of stranger's mouth twitched in a half smile. "Ikaw, saan ka magaling?"

Nag-isip siya kunwari. Pagkuwa'y sumagot, "magrebelde."

His shoulder shook as he laughed. "May kanta na bagay sa 'yo."

"Talaga ba, kuya?"

Sumimangot ito. "Call me Angelo. Hindi mo ako kuya." Nang may inilabas at inayos ito sa sariling tainga, noon niya lang nakita ang earphone na nakasampay sa balikat nito. Inilagay nito ang isa sa kanya, tsaka may pinili sa nakakonektang cellphone. Nakatitig siya rito habang ginagawa nito 'yon. Hindi siya makahuma. Everything about him seems expensive, seems perfect. He can feel his breath on her skin. It was warm and fragrant, causing delightful things in her body she can't understand. All she knew, his nearness made her breathless.

Noon niya tuluyang natitigan ang ganda ng mata nito, ang kilay, ang ilong, ang leeg. At God. He has a reddish and sensual mouth. Parang gusto niyang ilapit ang labi rito at—

"Maganda, 'di ba?"

"Ha?" Napakurap siya. Napilitang magising mula sa isang tila hypnotic trance. "Oo." Ang labi nito ang tinutukoy nito, 'di ba? "Maganda. Sobra."

"Yes. Pakinggan mo ang lyrics. Bagay na bagay sa 'yo."

Lyrics? Noon niya napagtanto na nakapili na ito ng awitin at kasalukuyan ng pumapapailanlang sa maliit na aparatong nakakabit sa tainga nila. Bagaman tinatalo ng awiting pumapailanlang sa bar ay sapat naman ang volume upang marinig nila ng maayos ang tumutunog sa earphone.

I don't have to explain myself to you

I am a grown woman and I do what I want to do

Pilit siyang natawa. "Para sa nagrirebelde ba ang kantang ito?"

"Para sa tulad mo."

I know that it's wrong

But I want to have fun

Mmm, yeah, mmm, yeah

"Mahilig ka makinig ng music?"

Tiningala niya ito. Noon niya napansin na nakayuko ito sa kanya kaya naging sobrang lapit ng mukha nila.

"Yes," he answered. His fragrant breath stirred her face.

She swallowed an imaginary lump. For a heart-stopping moment, they stared at each other. There was something inside her that urging her to close their distance. But she don't know how.

"There is one thing I want to do more," bulong niya rito.

"Ano?" parang kinakapos ring hiningang tanong nito.

Oh, my God, I can't believe it

Out of all the people in the world

From his eyes, her eyes went down to his lips, and move further to his enticing Adam's apple.

"Be intimate with a stranger." With that, she raised her face and kissed the side of his neck. He stiffened and sucked in his breath, but she didn't move away. Instead she dug her hands into his hair and moved her lips instinctually.

Maybe, baby, I'm just losing my mind

'Cause this is trouble, but it feels right

Katulad ng laman ng kanta, she lost her mind... totally.