CHAPTER 68

NAKAHILATA sa salas si Javier, lasing na lasing nang datnan ni Gabriel.  Napabuntong hinga siya ng malalim saka mabilis na itong tinalikuran.  Pagod na siyang pagsabihan pa ito at pangaralan ng paulit-ulit.

            Panahon na para sarili nama niya ang asikasuhin niya. Malaki na si Javier para isipin at alalahanin pa niya.

            “Kuya, ano bang meron ka na wala ako? Anong lamang mo sakin, bakit ikaw ang pinili ni Olivia?” dinig niyang tanong nito.

            Huminto siya sa paglalakad at nakinig sa sasabihin nito.

            “Ako etong mahal na mahal siya, handa ko syang ipaglaban kahit na kanino. Hindi kagaya mo na takot panindigan yung nararamdaman mo sa kanya and yet, bakit ikaw. . .ha Kuya, bakit