KABANATA 94

May dinner meeting daw sila para sa photo shoot nila ni Kyle next week. Ang Mama niya ang hindi magkandaugaga na pumili ng damit na susuotin niya. Pumili ito ng damit na isa sa mga gawa nito. Hindi ito kasama sa dinner meeting na iyon pero parang ito pa ang excited.

Kumunot ang noo niya nang ibigay nito sa kanya ang isang maroon na damit na may malambot na tela. Hindi umimik na kinuha na rin niya ang damit at isinuot iyon habang naghihintay ang ina sa kwarto niya. 

Tamang-tama lang ang kasya ng damit sa katawan niya. Nai-emphasize nu'n ang kurbada ng katawan niya. Nang makita siya nang ina ay lumuwang ang ngiti nito.

" Ma, this is a dinner meeting at hindi date," natatawang sabi niya nang makita ang reaksiyon ng ina. Para kasi itong ina ng isang teenager na first time na makikipag-date.

" I know pero gustung-gusto ko lang ang pagkakagawa ng damit dahil ikaw talaga ang naisip ko nang gawin ko iyan. I designed that after nating magkita sa party noon."<