KABANATA 99

Parang hindi siya nawala nang ilang taon nang ilibot niya ang tingin sa loob ng malaking building ng Dynasty. Pakiramdam niya ay kahapon lang nu'ng huling beses niyang tumungtong sa Dynasty bago siya lumipad ng London. 

Ayaw na sana niyang bumalik pa sa lugar na nagpapaalala lang ng kahibangan niya dati pero nakiusap ang ina niyang samahan niya ito. Dumating na kasi si Mrs. del Espania last week at ngayon ang schedule ng pictorial ng dalawang nagmamay-ari ng pinakamalikng modeling agency ng Pilipinas. Hindi naman siya makahindi sa ina.

Hindi rin niya alam kung paano haharapin ang dating amo lalo't alam na niyang alam na nitong nagsinungaling sila ng lola niya rito. Nahihiya siyang humarap sa lola nina Clyde at Kyle. 

Kapapasok pa lang nila sa building ay sinalubong na agad sila ng nakangiting si Kyle. Ngayon lang niya uli ito nakita mula nang may nangyari sa kanila sa resort. Todo iwas ang ginawa niya kaya't hindi siya masyadong naglalagi sa office