Chapter 22

"Mag-ina niya? Talaga ba? Kailan pa?" Iyon ang kanina pa rin na paulit-ulit na tinatanong ni Russia sa kan’yang sarili na hanggang ngayon ay hindi niya mabigyan ng kasagutan. "Bakit niya sinabi iyon? Hindi ba at galit nga siya sa akin, pero bakit bigla na inaako na niya ang anak ko? Ano ba ang ibig niya na sabihin? Tinatanggap na ba niya kami? Bakit? Ano bang pumasok sa isipan ng lalaki na iyon para sabihin niya na mag-ina niya kami ng anak ko?"

Gulong-gulo siya at hindi talaga makapag-isip ng matuwid. Hindi niya alam kung matutuwa at ipapagpasalamat ba niya ang ginawa ni Aldrick o lalo lamang na matatakot dahil sigurado siya na hindi nito palalampasin ang eksena na iyon.

Ano ba kasi ang naisip ni Blue at nagbalik pa rito sa mansyon? At ang mas malaki na katanungan sa kan'yang isip ay kung ano nga ba ang plano ng lalaki na iyon at ayaw siya na tantanan sa ngayo