Chapter 27

"Himala yata at naabutan kita rito ngayon." Ang boses ni Nathan ang nagpalingon kay Aldrick habang ninanamnam niya ang katahimikan ng gabi. "Bakit mag-isa ka riyan? Nasaan si Elon?"

"Work." Simpleng tugon na lamang niya. Inabutan siya ni Nathan ng isang lata ng alak at saka umupo ang lalaki sa may tabi niya. 

Kanina pa siya narito sa may hardin at nag-iisip. Nang pumasok kasi si Sia sa silid nito ay nagpasya siya na magpahangin muna upang makapag-isip din tungkol sa mga bagay-bagay na gumugulo sa kan’yang isipan. Naka-ilang lata na nga rin siya ng alak bago pa dumating si Nathan.

"Nasaan ang girlfriend mo?" Nakangiti pa na tanong nito sa kan’ya na halata na inaasar na naman siya. "Tulog na ba?"

"The fuck! Anong girlfriend ang pinagsasasabi mo riyan? Wala akong girlf