Chapter 25

"Good morning! Kanina pa kita hinihintay na magising. Mukhang tinanghali ka yata ngayon?"

Gulat na gulat si Russia nang pagdaan niya sa dining area ay isang pagbati ang narinig niya. Hindi niya iyon inaasahan dahil nasanay na siya na parang hangin lamang siya rito sa mansyon na dinadaan-daanan lamang. Idagdag pa roon na maayos ang pagkakasabi ng mga salita, at siyempre, mas lalo na hindi kapani-paniwala na manggagaling iyon kay Aldrick. 

"A-ano? Hinihintay mo ako? Bakit?"

"Maupo ka na at mag-almusal na tayo. Kanina pa ako nagpahanda ng breakfast at kanina pa rin ako naghihintay sa’yo rito." Iminuwestra pa nito sa kan’ya ang upuan sa tabi nito at mukhang doon pa siya pinapapuwesto. Nangungunot na ang noo niya sa pagtataka dahil sa inaasal nito sa kan’ya. Hindi ba at kagabi lamang ay hindi sila magkasundo sa kung