Chapter 17: Number

Nanatili sa loob ng silid si Greig katulad ng pangako nito. Ipinikit naman ni Natasha ang mga mata pero nanatiling gising ang kaniyang diwa.

Masaya siya't nanatili ito kahit na pakiramdam niya na pinagdudahan siya nito tungkol sa pagkakatulak sa kaniya ni Ysabela.

Naalala niya ang mukha ng babae, kahit paano ay nakaramdam siya ng kasiyahan nang makita ang pagkabigo at hinagpis sa mga mata nito nang piliin siya ni Greig.

Dapat alam ng babaeng ‘yon kung saan ang lugar niya. Bulong ng kaniyang isip.

Isa pa, tama lamang na sinabi niya kay Greig na aksidente lamang ang pagkakatulak sa kaniya ni Ysabela, at nagmamagandang-loob lang ito ngunit nauwi sa disgrasya.

Sa pamamagitan nito, kung sakaling magsusumbong si Ysabela kay Greig at siraan siya, mas lalo lamang na magagalit ang lalaki rito.

She couldn't frame me up. Aniya sa sarili.

Maliban pa roon, sisiguraduhin niyang aalisin niya ito sa buhay ni Greig nang hindi dinudumihan ang kaniyang kamay.

Ikinuyom niya ang kaniyang palad at halos b