Chapter 22: Strength

Bago pa man hawakan ni Greig ang seradura ng pinto ay bumukas na iyon. Bumungad ang nurse sa kaniya at mabilis na ngumiti.

“Miss Natasha is already awake, sir.” Imporma nito.

Tinanguan niya ito.

Umalis rin agad ang nurse at naiwan muli sila ni Patrick. Narinig niyang nagbuntong-hininga ang kaibigan.

“Sige na, pumasok ka na. Kanina ka pa niyan hinahanap. I'll wait for you at the bar.” Saad nito.

Hindi na niya nilingon ang lalaki, tumuloy siya sa kuwarto ni Natasha at naabutan itong kausap si Ada.

“G-greig?” Utal nitong tawag sa pangalan niya nang makita siya sa may pinto.

“How are you feeling?” Naglakad siya palapit sa babae.

Humarap sa kaniya si Ada, ang personal na nag-aalaga kay Natasha, at bumati.

“Sabi ng doktor bumaba na ang lagnat ni Natasha, pero kung patuloy na magpapabalik-balik ang lagnat niya, magiging banta iyon sa buhay ni Natasha.” Malamig ang boses ng babae.

“Dahil sa bone marrow transplant niya ay mas naging mahina ang immune system ni Natasha. Repeated fevers were no