Chapter 0073

“Sa tingin mo ba talaga ay papayag ako ha?” tanong nito sa kaniya at agad na nagbago ang ekspresyon at naging mabangis ito. Itinaas nito ang kamay at pagkatapos ay akmang sasampalin na sana siya nang bigla na lamang itong pigilan ng abogado na kinuha niya.

Ilang sandali pa ay pilit na ibinaba ng abogado ang kamay nito at pagkatapos ay nagsalita. “Sir kapag sinaktan niyo si Miss Serene ay maaari kayong kasuhan ng domestic violence at pwede kayong makulong. Kayo din.” sabi nito rito.

Agad naman na nanlaki ang mga mata nito habang nakatingin sa abogado. “Wala kang pakialam kahit na patayin ko pa siya ngayon!” galit na galit na sigaw nito at dahil doon ay napilitan nang humarang ang abogado ng tuluyan sa pagitan nilang dalawa.

Napatitig si Serene sa mukha ng kanyang ama na parang nababaliw at pagkatapos ay biglang kumislap ang kanyang mga mata. Alam niya kung anng gusto nito at kung bakit ganun na lamang ang ginagawa nito dahil marahil ayaw nitong makipaghiwalay at lumayo sa kanilang mag-