Chapter 0035

Dahil medyo natagalan na si Serene sa pagpunta sa banyo ay nag-alala na si Mike kaya tumayo na siya mula sa kanyang kinauupuan at sumunod sa banyo upang tingnan si Serene.

Takot na takot naman si Serene at halos manlamig ang buo niyang katawan at mahigpit niyang hinawakan si Pierce sa braso nito at umaasa na titigil na ito sa ginagawa at lalayo na sa kaniya. Narinig niya ang papalapit na mga yabag at halos lumundag ang puso niya nang mga oras na iyon. Sa kagustuhan niyang lumayo ito sa kaniya ay inihanda na niya ang kanyang sarili upang kagatin ito ngunit bigla na lamang siya nitong binitawan at mas hinigpitan pa ang hawak sa kanyang mukha. “May balak ka na namang kagatin ako?” walang emosyong tanong nito sa kaniya.

Bago pa man siya makasagot sa tanong nito ay muli lang siya nitong hinalikan ulit at sa puntong iyon ay mas marahas pa kaysa sa nauna kanina na para bang pinaparusahan siya nito sa klase ng paghalik nito sa kaniya. Akala pa naman niya ay lalayo na ito ng tuluyan ngunit it