Chapter 38.1

Hindi naiwasan si Raya Fae ang pagkabog ng kanyang dibdib nang makita niya ang paghinto ng sasakyan ni Damielle Astin sa tapat ng kanilang bahay.

"N-Nandito na sila, Dad."

Kaninang umaga sila nakauwi mula sa kanilang short vacation at ngayong gabi ang napag-usapan nilang pamamanhikan.

Agad namang lumapit si Macario sa pintuan kung saan siya nakatayo at kanina pa naghihintay.

"Hayaan mo silang lumapit dito." Walang kangiti-ngiting wika ng matanda.

Lalong lumakas ang kabog ng dibdib ni Raya Fae nang makita niyang lumabas si Damielle Astin sa kanyang sasakyan. May dala itong isang bungkos ng kulay pulang rosas.

"Good evening po, sir." Bahagya siyang yumuko bilang paggalang.

"Ikaw lang ba mag-isa ang mamanhikan, Hijo?" Hindi nawala ang tingin nito sa sasakyan ni Damielle Astin na nakaparada.

"Hindi po. Darating po maya-maya ang Papa."

Marahan namang tumango ang matanda.

"Oh siya. Pumasok muna tayo. Hintayin na lang natin sila sa loob."

Bago pa sila makaimik ay nagpatiuna na sa