Chapter 39

Hindi naiwasang malula ni Raya Fae nang makita niya ang wedding gown na isusuot niya. Isa iyong ballgown wedding dress. Backless iyon kaya naman kitang-kita ang makinis niyang likod. Simple lang ang disenyo kung tutuusin ngunit tila kumikinang-kinang iyon dahil sa mga mamahaling bato na nakadikit sa kanyang damit. Para siyang maluluha nang lumapit siya sa wedding gown. Hindi rin niya naiwasang mapalingon sa kanyang ama.

"Ito po ba talaga ang isusuot ko, Dad?" Hindi siya makapaniwala.

Marahan namang tumango si Macario Escobar. Nakaguhit ang munting ngiti sa labi nito. Kitang-kita ang galak sa kanyang mukha.

"Parang ang bongga naman pong civil wedding 'to, dad. Ang ine-expect ko, simpleng white dress lang ang susuotin ko. Haharap lang kami sa judge o mayor then tapos na ang kasal."

Gumuhit naman ang munting ngiti sa labi ng kanyang ama.

"Just go with the flow, Hija. Maupo ka na para maayusan ka na. Nagsimula nang dumating ang mga bisita."

"Shall we start, ma'am?" Nakangiting luma