Chapter 30.2

"Yeheyy!"

Tila hinaplos ang puso ni Raya Fae. Walang pagsidhan ang ligayang nadarama niya habang nakikita niyang masayang naglalaro ang dalawang bata sa playground ng Aloha resort. Maganda ang lugar. Bukod sa maraming puno na kay presko sa paningin ay mayroon ding ilog at talon na maaaring pasyalan. Atrasksyon din sa lugar ang indoor playground nito.

"The place is so nice." Hindi naiwasang maikomento ni Raya kasabay ng paggala niya sa kanyang paningin.

"I'm glad you liked it."

Hindi akalaing ni Raya na gano'n kabilis ang kilos ni Damielle Astin. Matapos ang kanilang agahan kanina ay naghanda na sila ng kanilang mga damit. Pasado alas nuebe pa lamang ng umaga ay nagsimula na silang bumiyahe. Tuloy-tuloy ang biyahe, tumigil lamang sila nang mananghalian sila sa nadaanan nilang fast food chain. At makalipas lamang ang limang oras na biyahe ay narating na nila ang Aloha Resort. Pagkarating pa lamang nila sa lugar ay ang indoor playground na agad ang pinuntahan ng mga bata.

"Damiell