Chapter 30.1

Naalimpungatan si Raya Fae dahil sa sunod-sunod na tunog ng doorbell. Nang mapatingin siya sa orasan ay napag-alaman niyang pasado alas-onse na nang gabi.

Pupungas-pungas siyang bumangon.

Sino ba kasi ang bisita nila sa ganoong oras ng gabi?

Nang makalabas siya ng silid ay muling tumunog ang doorbell.

"Oo! 'Andiyan na!" Sigaw niya. Lukot ang mukha niyang binuksan ang pinto. Bago pa siya makahuma ay sumubsob na sa balikat niya ang matangkad na lalaki. Nagawa niya itong itulak. At tila naghurumentado ang kanyang puso nang makilala niya kung sino ito.

"A-Anong ginagawa mo dito?"

Tanging ungol lamang ang naisukli ni Damielle Astin bago muling sumubsob ang mukha nito leeg ni Raya Fae..

"Amoy alak ka!" Muling niya itong itinulak ngunit humigpit naman ang pagkakayakap sa kanya ni Damielle Astin.

"I'm begging you, Raya, huwag mong ipagkait sa'kin ang mga anak ko. Tama na ang apat na taong itinago mo sila sa'kin."

Tila naman hinaplos ang puso niya sa narinig. Hindi niya naiwasan ang m