Chapter 29.2

Tila nanuyo ang lalamunan ni Raya Fae nang tuluyan silang makapasok sa tahanan ni Damielle Astin. Pagpasok pa lamang nila sa sala ay bumangad sa kanila ang lalaking nakatalikod. Mula sa tangkad at pangangatawan nitong tila perpekto ay nahulaan na niya kung sino ito.

"Nandito na kami, boss." Pagkuha ni Thano sa atensiyon nito.

Nang humarap sa kanila si Damielle Astin Villacorda ay nagtama ang kanilang mga mata. Hindi mawari ni Raya Fae ngunit pakiramdam niya ay maghurumentado ang kanyang puso.

Sa unang tingin ay mapapansin agad na may nagbago rito. Wala na ang pilat sa pisngi ng lalaki. Lalo tuloy itong naging makisig sa paningin ng babae.

Sandaling bumaling si Damielle sa kanyang tauhan dahilan upang maputol ang titig nila sa isa't-isa. Nang tanguan ni Damielle si Thano ay tuluyan na rin silang iniwan ng tauhan.

"Daddy!" Mabilis na tumakbo si Damon patungo sa kanya at binigyan siya nito ng mahigpit na yakap. "I miss you so much, daddy. Finally, you are infront of us now."

Maluha