Chapter 22.1

"Welcome to our home." Nagniningning ang mga mata ni Damielle Astin kasabay ng pagpasok nila sa loob ng malaki at magarang bahay. Tatlong palapag iyon. Moderno ang istilo na halos singkwenta porsyento ng dingding ay gawa sa sa salamin. Sa pagpasok nila sa bahay ay bumungad sa kanila ang malawak na sala.

"You don't know how happy I am right now, Naya."

Pinilit na lamang ni Raya Fae ang ngumiti kahit mabigat ang kanyang dibdib. At lalo siyang nakaramdam ng pagkakonsenya nang makita niya ang malaking wedding picture sa sala.

Nakasuot ang kanyang kambal na si Naya Faith ng off shoulder wedding dress. At si Damielle Astin ay nakasuot naman ng maroon three piece suit. Matamis ang ngiti ng dalawa na halatang masayang-masaya sa araw ng kanilang kasal. Ang ngiting iyon ang lalong nagpakisig sa lalaki. Bagama't may pilat na ngayon ang mukha nito ay hindi pa rin maitatanggi ang kagwapuhan nitong taglay.

Sa ginagawa niyang pananahimik ay nagkakasala siya, hindi lamang may Astin Villacorda ku