Chapter 24.1

Habang nakasandal sa headboard ng kama ay napatitig si Raya Fae sa kanyang kamay kung saan nakasuot ang singsing na bigay ni Damielle Astin. Napabuntong-hininga na lamang siya.

Aniya, napasubo na naman siya.

Wala na siyang nagawa kundi tanggapin na lamang ang proposal ng lalaki. Hindi rin naman niya makakayang ipahiya ito sa harap ng mga tauhan nito. At isa pa, ano ang idadahilan niyang rason kung sakali mang tumanggi siya? Tiyak na mas malaking diskusyon lamang ‘pag nagkataon. Sa paglantad ng katotohanan naman talaga patungo ang lahat subalit sa ngayon ay hindi pa siya handa.

"Love." Mabilis niyang ibinaba ang kamay at napatingin siya sa pinagmulan ng tinig. Mula sa pinto ng shower room ay lumabas mula roon si Damielle Astin. May hawak itong puting tuwalya at kasalukuyang tinutuyo ang basa nitong buhok.

Hindi naman naiwasan ni Raya Fae ang mapalunok nang makita niyang mula sa buhok ng lalaki at tumulo ang butil ng tubig. Dumausdos iyon sa matipunong katawan nito. Pakiramdam niya