Chapter 10.1

Kumabog ang dibdib ni Raya Fae nang pumasok siya ng kusina. Pakiramdam niya ay pinagpawisan siya nang makita niya ang bodyguard niya. Tila ba kasi awtomatikong nag-play sa utak niya ang ginawa nila kagabi.

Parang may bahagi ng utak niya na gustong umatras. Ngunit siya si Raya Fae, at hindi niya ugaling umatras o umiwas dahil lang sa hiya.

Napatikhim siya upang alisin ang bara sa kanyang lalamunan. Naging dahilan naman iyon upang mapabaling ang tingin sa kanya si Damielle Astin.

"Gising ka na pala. Do you want coffee?" Banayad ang tinig ng lalaki. At tila ba balewala rito ang nangyari kagabi.

Gayunpaman ay nakaramdam pa rin ng pagkailang ang dalaga dahil sa titig ng kanyang kaharap.

"Yes, please." Nag-iwas siya ng tingin at kaagad na pumemwesto ng upo.

"Masakit ba ulo mo?" Tanong ng lalaki habang abala ito sa kanyang ginagawa. Ni hindi siya nito liningon.

"Hindi naman masyado."

Ilang sandali lamang ang kanyang hinintay ay lumapit na ang bodyguard sa kanya.

"Ano pang gusto