Chapter 9

Present Time...

"Cheers." Pinag-untog nina Raya at Katriss ang kanilang hawak na kopita. Tila ba lihim nila iyong selebrasyon. Mula kasi nang pumasok sila sa mundo ni Rio Costor ay ngayon lamang sila nakakilos na tulad ng dati.

"I really miss this," saad ni Raya Fae habang nagniningning ang mga mata nitong nakatitig sa hawak niyang kopita.

Nang tumingin siya kay Katriss ay pinanlakihan naman siya nito ng mata bago ito pasimpleng bumaling kay Damielle Astin na nakatambay sa 'di kalayuan.

Nanatili namang kalmante si Raya na para bang wala siyang sinabi. Nang bumaling si Raya kay Damielle ay nagtama ang kanilang mga mata.

"Wanna join us?" Itinaas pa ng modelo ang hawak niyang alak.

Marahan namang umiling si Damielle bilang tugon.

"Are you sure?"

"Don't invite him, Ma'am. He needs to do his job." Walang kangiti-ngiting turan ni Katriss kasabay nang pagsalin nito ng alak sa kanyang baso.

"Safe naman ako dito. Hindi na niya ako kailangang bantayan." Tuluyan nang binawi ni Raya a