Chapter 1

My loves

"Angela!" Sigaw ng kaibigan kong si Tin Tin na tumatakbo patungo sakin na akala mo ay malayo ako sakanya, nasa kabilang poste lang naman ng corridor.

Lunch time na namin at wala akong balak na kumain. Sanay naman ako na nalilipasan tuwing lunch. Kaya pupunta nalang ako do'n sa tambayan ko para mag-aral. Ayaw ko naman sa room dahil madaming panira.

"Bakit? Tumakbo ka pa talaga pwede namang lumakad nalang ang lapit mo lang sakin.” Pagtataray ko sakanya. Umirap naman siya.

"Duh! Excited lang akong kausapin ka, narining ko 'yong mga sinasabi sayo ni Jay kanina. Grabe! Kinilig ako!" Kinikilig niyang sabi may pahampas pa sa balikat ko. Hinawakan ko 'yong balikat ko dahil sa sakit nang pagkaka-hampas niya!

"Kailangan mang-hampas?" sakrastiko kong sabi.

"Kinikilig ako alam mo ba yun!?" Kinikilig na naman niyang sabi na sinabayan niya uli ng hampas, sa pagkakataong ito hinampas ko rin siya ng mas malakas. Hindi pwedeng siya lang ang hahampas dapat ako din!

"Aray naman! <as malakas ata ‘yong iyo ah!" Reklamo niya.

"Siyempre, nakadalawa ka na kaya dapat ang ganti doble!"

"Oo na nga!" Pagpayag niya. "Balik tayo do’n sa topic natin kanina, ano ‘yon siya ‘yong lumapit sayo?" tanong niya na nagpairap sa akin.

Malamang! Hindi ako lalapit sa lalaking 'yon! Feeling ko kasi ‘pag lumapit ako ay mai-issue ako, mahilig pa naman sa issue ‘yong mga tao ngayon. 'Yong paglapit pa nga lang ni Jay kanina sa’kin paniguradong may issue na. Paano pa kaya ‘pag ako 'yong lumapit? Baka hindi lang issue ang matanggap ko, baka ma-bash pa ako lalo na at ako 'yong president ng klase namin. Siguro paglalapit ako sakanya dahil 'yon sa groupings or what.

"Wala niyaya lang ako mag lunch," simpleng sabi ko. "Siyempre, hindi ako pumayag issue na naman 'yan." Dahilan ko pa dahil paniguradong itatanong niya kung bakit hindi ako pumayag.

"Ano ba yan!? Dapat wala ka ng pakialam sa mga issue na mga ganyan toxic lang yan," pagdadahilan naman niya. Baluktot talaga paniniwala ng isang 'to.

"Sira ka ba? Tao din ako nasasaktan syempre pag na-issue ako hindi na mawawala ‘yon. Nasaktan na ako."

"Opo, opo kayo na po panalo, Madam." Pag-suko niya.

"Palibhasa ‘pag may nai-issue sayo tuwang tuwa ka pa."

"Sadya, kung ‘yon ang ikakasaya nila, gusto nila sabayan ko pa sila sa trip nila!" Pagmamalaki niya. Sira talaga ulo ng isang 'to maling mali e.

"Luka-luka ka talaga bahala ka na diyan," sabi ko. Wala talaga minsang kwenta kausap 'yan.

Nilagpasan ko na siya para makapunta na ako sa tambayan ko. Mahigit isang oras at kalahati ang lunch time namin kaya paniguradong madami akong mababasa na article.

Pagdating ko sa may puno kung saan madalas akong tumambay ay may mga nakatambay na ilang baseball player at naglalaro sa tabi ng field naman ang iba.

Kaya no choice ako na sa room nalang mag-aral, sana naman walang gumulo sakin do’n. Gusto ko pa naman na mapag-isa, pero baka hindi mangyayari ngayong araw. Ugh!

Sa library nalang pala… May library nga pala. Ba't ko ba kasi kinalimutan? Ang init lang kasi sa library. Ang yaman-yaman ng school na 'to ayaw naman magpa-aircon.

Naglakad na ako patungo sa library nang makasalubong ko sila Jay at ang barkada niya. Agad naman akong tumabi sa daan para makaiwas, pero nagkamali ako. Dahil pumunta pa rin sa direksyon ko si Jay at...

"Angela, my loves!" Malambing niyang sabi na alam kong trip na naman nila. Pagkasabi niya noon ay nilagpasan din nila ako.

Nanlamig ako sa narinig ko, ugh! Lagi niyang ginawa 'yon! Trip na trip talaga nila ako.

Dahil sa pangti-trip nila alam ko sa sarili ko na unti-unti na ako nahuhulog sakanya. Umaasa talaga ako na totoo ‘yong mga sinasabi niya. Hindi naman masamang umasa diba? Wag lang susobra para hindi masaktan.

Binilisan ko na ang paglalakad ko para makarating na ako sa library. Pagdating ko ay masyado  ng madami ang mga tao kaya naghanap ako ng pwesto na malayo sa iba.

Nakakita ako ng table at upuan do'n sa may dulo. Uupo na sana ako nang biglang may maglagay ng libro sa lamesa. Nag-angat ako ng tingin at nakita ko si Jay. Kakasalubong ko lang dito kanina ah. 'Bat andito na agad? Ambilis naman niya.

"Ako nauna ah!" Reklamo ko sakanya pero nakatingin lang siya at nakangiti sakin. Problema nito? Sinapak ko siya ng magising, lutang ata.

"Aray!" Reklamo niya "Ang sakit ah!"

"Ako’ng nauna dito maghanap ka na nalang ng iba," sabi ko.

"Bakit pa maghahanap ng iba kung andyan ka naman," sabi niya habang may nakakalokong ngiti. Ugh! Dumadali na naman siya.