CHAPTER 14

Nanginginig ang kamay ni Tintin habang hawak ang tatlong pregnancy test. Tatlong beses niyang inulit ang pag-te-test para sigurado siya ngunit lahat ay positive. Hindi niya maintindihan kung ano ang mararamdaman, matutuwa ba siya dahil magkakababy na siya o mag-alala dahil sa sitwasyon niya ngayon. Ang unang-una na tanong sa isipan niya ay... matatanggap kaya ito ng asawa niya? Paano kung hindi?

"Ma'am Tintin.." Agad na itinago ni Tintin ang tatlong pregnancy sa bulsa niya ngunit hindi niya na pansin ang isa na nahulog sa ilalim ng kama.

Agad na lumapit si Tintin sa katulong na si Marjorie. Hindi man siya pormal na pinakilala sa mga ito bilang asawa ni Lach ay alam niyang alam na ng mga ito na siya rin ay hindi lang katulong rito. Ang mga katulong noon na inaalipusta siya ay hindi na makatingin ng deritso sa kaniya, umiiwas ito ng tingin lalo na si Linda. Ang iba naman ay yuko lang kapag dumadaan siya.

"Handa na po ang sasakyan Ma'am Tintin." Sabi ni Marjorie.

"Salamat, Mar