Chapter 4

BUMABIYAHE na ang kotse patungo sa airport nang biglang magbago ang isip ni Chris.

"Jeric, ikaw na lang ang sumundo sa kapatid ko sa airport at babalik ako sa apartment," aniya.

Lumingon si Jeric mula sa passenger seat. "Bakit po, Sir?"

Napahawak at bahagyang nilaro ni Chris ang sariling labi habang nag-iisip. "Dahil paniguradong hahanapin niya sa'kin si Shiela sa oras na magkita kami. Pagsundo niyo sa kanya ay dumiretso kayo sa mansion, 'wag niyong ipapaalam na nasa apartment ako. Sabihin mo rin na nagbakasyon kami."

"Kung magtatanong po siya kung saan lugar kayo nagbakasyon, sasabihin ko po ba?"

Naningkit ang mga mata ni Chris, muling napaisip. "Hindi, dahil siguradong susunod siya kung nasa'n ako. Makulit ang kapatid kong 'yun. Kapag nagtanong ay sabihin mo'ng hindi ako nagsabi ng lokasyon."

"Masusunod po, Sir."

Matapos ay inutusan ni Chris ang driver na ibaba na lamang siya sa tabi.

"Ihahatid na lamang namin kayo pabalik, Sir," saad ng driver.

"Hindi na kailangan," tanggi ni Chris