Chapter 3

SA ARAW na iyon ay maagang nag-inspeksyon si Chris kasama ang assistant at ilang tauhan bago magtungo sa sariling opisina.

Magdadalawang taon pa lamang siya sa Cebu ay marami-rami na siyang naipatayong negosyo na kasosyo ang ilang kilalang angkan sa lugar.

Kasalukuyan silang nasa kotse at patungo sa susunod na distinasyon nang bahagyang bumagal ang daloy ng trapiko.

"Ilan na lang ba ang pupuntahan natin?" tanong ni Chris.

"Tatlo na lamang po, Sir," tugon ni Jeric.

Habang naghihintay na umusad ang sasakyan ay tumunog ang cellphone ni Jeric. Sinagot naman agad ng assistant at saglit na nakipag-usap sa caller.

Matapos ang tawag ay nilingon si Chris na nasa backseat. "Sir, tumawag po ang isa nating tauhan na naiwan sa apartment para magbantay. Naro'n na ang Doctor para sa regular check-up kaso... biglang nagwala si Ma'am Shiela sa puntong nasasaktan na niya ang sarili," pahayag ni Jeric.

Pumikit at napahilot sa magkabilang sintido si Chris gamit ang isang kamay. Bukod sa mga negosyo, ay i