Chapter 5

PAREHONG nagkatitigan nang matagal at magkasabay ding naghintay ng reaksyon sa isa't isa sina Zia at Jeric.

Si Zia upang buksan nito ang saradong bahay at payagan siyang pumasok sa loob.

At si Jeric naman ay upang bawiin nito ang sinabi at bumalik na lamang sila sa mansion.

"Ano?" kalaunan ay tanong ni Zia.

Napakurap si Jeric. "Ahm... ano po kasi--"

Biglang tumunog ang cellphone ni Zia. "Hello, mahal?" sagot naman agad.

"Kasama mo na ba si Chris?" ani Louie.

"Hm... oo," pagsisinungaling ni Zia. Bago kasi siya payagan na umalis mag-isa ay nag-alok muna si Louie na ito na lamang ang bahalang umasikaso sa pinaggagagawa ni Chris.

Ngunit agad niyang pinigilan ang asawa at baka ikasama pa ng loob ng kapatid ang panghihimasok nila sa buhay nito. Hindi baleng sa kanya na lamang magtampo huwag lang kay Louie at baka mauwi pa sa pag-aaway. Mahirap na at pareho pa naman mainit ang dugo sa isa't isa. Baka maungkat pa ang mga nakaraang hindi na dapat pang balikan.

At least sa kanya ay hindi magawa