Kahit pilit na iahon ni Claire ang sarili ay hindi siya pinapayagan ni Veena at pilit siya nitong hinihila palubog sa tubig. Ilang beses na siyang nakalunok ng tubig at nahihirapan na rin siyang huminga. Habang ito ay nagkukunwaring nalulunod at sumisigaw ng tulong. Ngunit dahil maingay ang paligid at may kalayuan sila sa garden ay walang may nakakarinig sa kanila. Pilit na ikinampay ni Claire ang magkabilang kamay upang pilitin ang sarili na lumutang sa tubig at makakuha ng hangin. Kahit papaano ay nagawa niya iyon pero hindi rin nagtagal dahil muli hinila ni Veena ang braso niya pababa. Nang walang ano-ano ay biglang may nag-splash sa pond at muling may tumalon. Hindi alam ni Claire kung sino dahil nakalubog ang mukha niya sa tubig pero nang hinawakan nito ang braso niya at umangat ang mukha niya ay nakita niyang si Mr. Campbell ang dumating upang sumaklolo sa kanila. Hinawakan ni Mr. Campbell ang dalawa sa magkabilang braso ay lumangoy palapit sa pangpang pero matanda na siya. Pa
Patuloy pa rin sa pag-iyak si Veena. Balewala rito ang pagbabanta ni Luke. “Puwede ba umalis ka na? Hindi nakakatulong ang pag-iyak mo. Mabuti pa ay umalis ka na at mas mapadali pa ang pagtulog ko kay Mr. Campbell.”Walang nagawa si Veena kundi ang umalis at iwan sila ni Mr. Campbell. Nang wala na ito sa paningin ni Luke ay saka siya nagsalita. “She’s gone. Puwede ka nang bumangon.” Saka lang siya tumigil sa pagsi-CPR kay Mr. Campbell nang wala na si Veena. Dahil sa organizer ay muling bumalik ang mga tao sa party at nagpatuloy sa kasiyahan kaya ang dalawa na lang ang natira sa gilid ng pond. Malaya na silang makapag-usap dahil wala nang ibang taong makakarinig. Ang totoo ay kanina pa nagising si Mr. Campbell pero dahil umaatungal si Veena sa tabi niya ay hindi ito nagmulat ng mata. Hinayaan na rin ito ni Luke na magkunwari.“Talagang walang nakakaligtas sa ‘yo.” Napapailing na saad ni Mr. Campbell. Ngumisi si Luke at tinulungan ang matanda na makaupo. Umubo ito at nagsuka ng tubi
Nang bumalik ang mag-ina sa loob ng bahay, karamihan sa mga bisita ay nakaalis na, at ang natitira na lang ay ang malalapit na kamag-anak at kaibigan ng kanyang lolo. Nang makita ito na masayang nakikipag-usap at buhay na buhay ay tila nabunutan ng ilang dosenang tinik sa lalamunan si Veena. Ang buong akala niya ay may masamang nangyari sa lolo niya base sa pagkakasabi sa kanya ni Luke. Kaagad niya itong nilapitan. “Lo,” tawag niya sa nag-aalala pa ring boses. Imbes na matuwa nang makita siya ay isang malamig na tingin ang ipinukol ni Mr. Campbell sa kanya. Natameme si Veena at saka lang naalala ang ayos. Mula kanina ay hindi pa siya nakapagbihis at kahit ang amoy niya ay amoy putik pa rin. “Ano pang hinihintay mo diyan, Veena? Magsisimula na ako sa paka-cut ng cake, bakit hindi ka pa rin nakabihis?”Yumuko ang dalaga saka agad na sinunod ang sinabi ng lolo at umakyat sa inuukupang guestroom upang magbihis. Hindi nakaligtas sa paningin niya sina Manson at Claire na naglalambingan
Kinabukasan, nang bumalik si Luke sa opisina ay isang hindi inaasahang bisita ang naghihintay sa kanya. Hindi niya gustong i-entertain ito pero mapilit ang babae.“Mr. del Vega, alam kong gusto mo rin si Claire. Bakit ka ba nagmamatigas sa suhestiyon ko? Kung tutulungan mo akong paghiwalayin sina Claire at Manson ay sisiguraduhin kong mapapasaiyo ang babaeng gusto mo.”Mahinang napatawa si Luke. Ang klase ng tawa na hindi mo gugustuhing marinig. Ang kanyang tsokolateng mata ay biglang tumalim habang nakatitig sa kausap.“Get out, Ms. Coltre. Speak no more if you don’t want me to cut off your poisonous tongue,” malamig ang boses na banta niya. Umupo si Luke sa kanyang swivel chair at pinaikot iyon upang humarap sa dingding na salamin at tingnan ang magulong trapiko sa kalsada. Sa totoo lang, sa kagustuhan niyang mapasakamay muli si Claire ay pumasok sa isip niya na sapilitan itong kunin kay Manson. Kung puwede lang ay kidnap-in niya ito at dalhin sa ibang bansa ay gagawin niya. Pero h
Nang marinig ang sinabi ng kanyang ina ay labis na tuwa ang bumalot sa mukha ni Manson.“Sigurado ka ba, ma?” Naninigurong tanong niya rito. Inalalayan niya si Claire na umupo sa sofa habang hinihintay ang kasambahay na bumalik. Inutusan niya itong bumili ng pregnancy test kit sa botika, hindi kalayuan sa mansyon ni Nana, dahil excited siyang malaman kung totoo nga ang hinala ng kanyang ina na buntis ang asawa. Napaismid ang kanyang ina at umupo sa tabi ni Claire saka masuyong hinagod ang likod nito upang pagaanin kahit papaano ang nararamdaman nito. “I have similar symptoms when I discovered I was pregnant with you. Kaya hindi ako nagkakamali. Are you doubting me? May experience ako, iho, kaya ‘wag mo akong maduda-dudahan.”Napatawa si Manson. Kahit pinagsabihan siya ng ina ay wala siyang nakitang galit sa mukha nito kundi purong tuwa. Kahit ang kanyang lolo’t lola ay tuwang-tuwa rin habang hinihintay ang pagbabalik ng kasambahay. Habang si Claire ay nanlalanta ang katawan na nakas
Kinagabihan, dahil sa sobrang tuwa ni Nana sa pagbubuntis ni Claire ay inanyayahan sila nito na manatili sa mansyon upang maghapunan. Ngunit ang hindi alam ng batang mag-asawa ay inanyayahan nito ang ama ni Manson. At hindi lang ‘yon, ang labis na ikinagulat ng lahat, lalo na si Manson, ay ang makita ang matandang kapatid nito na si Bruce. Kapatid ito ni Manson sa ama, anak ng ex-girlfriend nito. Sa loob ng tatlong taon nilang pagsasama ni Manson ay halos tatlong beses niya lang din nakita si Bruce. Hindi magkasundo ang magkapatid at kahit si Nana ay hindi ito gusto. Kaya nang pumasok ang mag-ama sa hapagkainan, ang masayang kuwentuhan ay biglang naging walang-buhay. “Ang balita ko ay buntis ang asawa mo, Manson?”Tumungo si Claire dahil sa pandidiri na nababasa niya sa boses ng ama ni Manson. “Yes, pa,” tipid na sagot ng asawa. Palihim nitong pinandilatan ng mata si Nana dahil alam nitong ang lola nito ang nagsumbong kay Mr. Perie. “Congratulations, bro. Magkakaanak ka na sa bat
Halos lumuwa ang mata ni Claire nang makita ang biyenan. Tila isa itong dyosa na may matigas na personalidad habang kaharap nito ang asawa. At mas exciting iyon panoorin kaysa ang pagsasabi ni Mr. Peire ng tungkol sa pagiging tagapagmana nito. Ni hindi ito makapagsalita. Napatingin siya sa asawa at makahulugang kindat ang isinagot nito. Umangat ang isang kilay niya at napangisi dahil alam niya kung ano ang nais ipahiwatig ng ngisi nito. Ag ibig sabihin, ang ginawag pagsugod at paglapag ng tungkol sa divorce ay pinlano na nang mag-ina. Naisip marahil ni Morsheire na darating ang asawa nito at lilikha ng gulo, dahil imposibleng hindi nito malalaman ang tungkol sa pagbubuntis ni Claire, kaya agad ang mga itog nag-isip kung ano ang puwedeng ipangtapat dito.Ilang segundo na hindi nakasagot si Mr. Peire kay Morsherie. Nawalan ng pasensya ang kanyang biyenang babae kaya malakas nitong kinatok ang mesa sa tapat ni Mr. Piere at patuyang nagsalita. “‘Di ba matalino ka at magaling magdesisyon
Kinabukasan, hindi pumasok sa studio ni Mr. Campbell si Claire dahil gusto niyang i-treat ang sarili na mag-shopping. Hindi niya alam kung parte iyon nang pagbubuntis pero gusto niyang lumabas at i-enjoy ang sarili. Isa pa, iyon ay dahil tuwang-tuwa siya na malaman na buntis siya. Kung ang asawa niya at ang pamilya nito ay halos hindi makamove-on sa tuwa kahapon, si Claire naman, ngayon lang nagsi-sink in sa isip niya na magkakaroon na siya ng anak. Kaya naman, kahit matapos siyang samahan ni Manson sa Obgyne, at malaman at sitwasyon ng baby, ay dumiretso siya sa mall upang mamili ng gamit pambata. Halos isang buwan na ang pinagbubuntis ni Claire at maayos naman ang kapit nito sa loob. Niresetahan siya ng doktor ng mga bitamina na kahit tinutulan ni Manson at baka nakakasama sa bata ay wala pa rin itong nagawa dahil resita iyon ng doktor. “Iiwan ko sa ‘yo si Manang Silva at ang dalawang tauhan ko para bantayan ka. Hindi puwedeng may mangyaring masama sa ‘yo kapag hindi mo ako kasama