Chapter 52: Love you

Matapos bayaran ang kinain nila ni Manson ay nagpaalam si Claire na pumunta sa banyo upang maghugas ng kamay pero ang totoo ay gusto n’yang ibuhos doon ang sama ng loob. Hanggang kailan ba titigil si Manson sa pagsasabi ng pangalan ni Lucas? Dahil sa tuwing binabanggit ang pangalan nito ay bumabalik ang sakit ng kahapon na pilit niyang kinakalimutan.

Habang naghuhugas ng kamay ay narinig ni Claire ang tunog ng sandalyas na papalapit sa tabi niya. Hindi niya iyon pinansin hanggang sa biglang may nagsalita sa tabi niya.

“Oh… hindi ko akalain na kumakain ka rin pala sa ganitong mamahaling restaurant.”

Naikuyom ni Claire ang kamao at matalim na tumingin sa salamin upang tingnan sa mata ang may-ari ng boses, si Veena.

“Sinusundan mo ba ako?” naiiritang tanong niya.

Dahil open space ang concept ng banyo ay walang pader na nakatabing sa washing area kundi tanging halaman na hanggang balikat ang taas. Kung may gagawin man siya sa babae ay sigurado siyang may makakakita sa kanya. Pero sa mg