Chapter 104: Another Mistake

“Manson…”

Hanggang makabalik sila sa mesa ay hindi pa rin makapaniwala si Claire na tuwang-tuwa siyang ipinagmalaki ni Manson sa lahat ng taong nasa party. Kaytagal niyang inasam ito at ngayon ngang nangyari ito ay hindi niya ma-explain ang tuwang nararamdaman. Tila ba isang bituin ang kanyang naabot at ayaw na niyang pakawalan. Ngunit sa kabila niyon ay may munting kaba na tumubo sa kanyang puso. Ngayong nalaman na ng lahat na siya ang asawa ni Manson, inposibleng walang gagawin si Mr. Perie. Lalo na na halos lumuwa ang mata nito sa galit kanina habang nakatitig sa kanila ni Manson.

“Relax, my wife. Ngayong alam na nila na ikaw ang asawa ko ay walang makakasaling sa ‘yo.” Hinawakan ni Manson ang palad niya at pinagsalikop ang daliri nila saka masuyo iyong pinisil.

Nang maramdaman ang init mula sa palad ng asawa ay kumalma ang magulong isip ni Claire. Kahit nakapaghapunan na siya galing sa apartment ay marami pa rin siyang nakain sa party. Marahil ay dala iyon ng pagbubuntis pero pak