Simula

Hanggang ngayon ay hindi pa din maipinta ang mukha ni Zia pagkalabas sa Marriage Registration Office habang hawak ang papel na nagpapatunay na ganap na siyang kasal kay Christian Vandelmor. Iyong tipong kaka-tungtong niya pa lang sa edad na bente uno ay ngayon ay may asawa na siya at isang bilyonaryo pa.

“Hatid na kita,” pagsunod sa kaniya ni Christian. “Paalis ka na ba?”

Si Christian ay ang napangasawa ni Zia na isang bilyonaryo. Siya ay higit na isang ulonh tangkad mula kay Zia, na suot ay mapusyaw na polo damit at pantalon, itim ang buhok na tila kulot, pantay ang kutis at mapanghalay na mukha.

Tumango si Zia kaya dali-daling nagtungo si Christian sa sasakyan para pagbuksan ito ng pinto at saka siya sumakay.

“Ahh!” Gitlang napahawak sa dibdib si Zia matapos kunin ng walang pasabi ang kaniyang kamay. “Ano yun?”

“Here… pwede mong gamitin yan for the meantime. Ito naman ang susi sa bahay, pwede ka ng lumipat sa bahay kung gusto mo, pwede mo ding tawagan si Tito Cleo kung may kailangan ka. Huwag kang mag-alala, kinausap ko naman na siya at siya ang bahala sayo kapag wala ako.”

Naguguluhan pumukaw ng tingin si Zia sa hawak niyang business card ni Christian. Parang noong isang araw lang ay tila problemado pa siya sa mga gastusin at sa gamutan ng kapatid niya pero ngayon ay asawa na siya ng bilyonaryo.

“Uhhh, salamat.”

“What’s the matter?” Pansin ni Christian ang lungkot sa boses ni Zia. “Kulang pa ba yan? Pwede kong dagdan.”

“No… no need. Sobra pa nga to,” ika ni Zia.

Inayos ni Christian ang kaniyang polo sabay tingin sa relo. “Okay, well… I have a meeting with the investors later, so I may not be able to see you off.”

“It’s okay, alam ko namang busy ka.” At saka sita bumaba sa kotse para maglakad.

Sa di kalayuan, rinig niya ang pag andar ng kotse ni Christian kaya buong akala ni Zia ay umalis na ito. Ngunit biglang tumigil sa kaniyang tapat ang kotse at nagbukas ang bintana kung saan nakita niya si Christian.

“Nakalimutan mo…” abot sa kaniya ng lalaki.

Nang tingnan ni Zia kung ano iyon ay napagtanto niyang marriage certificate nila iyon. “Salamat.”

Tanging tango at ngiti lamang ang sinukli ni Christian sa kaniya bago ito tuluyang umalis. Muling nagpatuloy si Zia sa paglalakad at hindi napigilang basahin ulit ang kanilang Marriage Certificate at natawa sa kaniyang naisip. Pagdating niya sa sakayan ng mga tricycle, pumara siya at pumunta ng hospital para bisitahin ang may sakit niyang kapatid.

Pagbukas niya ng pinto, bumungad kay Zia ang kaniyang kapatid na si Zach na naka upo sa kama habang nagbabasa ng libro. Napansin niya din ang babaeng nasa tabi ng kapatid niya na si Nicole, ang kaklase ni Zach. Magka-batch sila noong high school at parehas din ng University, kaya mula noong na-ospital si Zach ay madalas na siyang bumibisita.

“Ate…” tawag sa kaniya ni Zach.

Nakangiting pumasok si Zia at nilagay ang binili niyang tinapay sa lamesa. Tumayo naman sa kinauupuan si Nicole na pinagtaka ng magkapatid.

“Hello, Ate Zia. Mauna na po ako, naalala ko kasing may gagawin pa ako,” paalam ni Nicole.

“Pero kararating ko lang, aalis ka na agad?” Tanong niya.

“Birthday po kasi ni Papa ngayon kaya kailangan ko na ding bumalik ng maaga,” sagot ni Nicole.

Kita naman ni Zia sa mukha ng dalaga ang pagmamadali nito kaya hindi na siya nakipagtalo pa. Pagkaalis ni Nicole, nagkatinginan ang dalawang magkapatid na may nakakalokong mukha.

“Girlfriend mo?”

“Ate, kaibigan ko lang. Huwag ka ngang issue diyan,” pagtataray ni Zach habang namumula ang tenga.

“Sabi mo eh, tutal malinaw na ang lahat dahil diyan sa tenga mo,” may

halong pang aasar na sabi ni Zia at sala umupo sa tabi ni Zach. “Oo nga pala, may good news ako. Nabenta na yung comics ko, two books ay one million!”

“Talaga, ate?” Nanlalaking matang tanong ni Zach, tumango naman si Zia. “Wow! Congrats!”

“Sabi ko naman sayo eh, akong bahala. Huwag mo ng isipin ang operation mo at hintayin mo lang ang pag yaman natin!”

First year high school si Zia noong namatay ang kanilang magulang at grade six naman si Zach. Hindi naging maganda ang trato sa kanila ng kanilang kamag-anak kaya maagang namulat ang magkapatid sa mapait na mundo. Buti na lamang ay hindi naging pabigat at pasaway si Zach sa kaniyang ate kahit kailan, natanggap siya sa unibersidad na gusto niya gamit ang sariling sikap kapalit ang hindi inaasahang sakit, Cancer Stage 2 bago matapos ang taon.

Pagkatapos tanggapin ang katotohanan, nakahanap ng mabait na doctor si Zia para sa kaniyang kapatid kaya naman todo kayod siya para lang makaipon ng pera pero hindi pa din iyon sapat. Ngayong mayaman na si Zia, kaya na niyang bayaran lahat ng utang nila sa hospital at iba pa.

Habang kausap ni Zia ang doctor, bigla namang tumunog ang cellphone niya at kitang tumatawag si Christian.

“Excuse me, Doc.” Isang dangkal na lumayo si Zia sa doctor para sagutin ang tawag. “Hello?”

“Is that your way to greet your husband? You should call me, love or darling. Kahit na may kontrata kang pinirmahan, kasal pa din tayo,” bakas ang seryosong tono ni Christian.

“Sorry, bumibwelo pa lang. May kailangan ka ba, Love?” tila naiilang pang tawag ni Zia sa kaniya.

Napangiti si Christian pero mabilis ding napawi iyon at saka siya tumikhim. “I’m back. Can I see my wife?”