Ika-apat na Kabanata

"What are you doing?"

Tila natigilan si Zia sa kinatatayuan sa boses na narinig niya. Dahan-dahan siyang lumingon para tingnan ito kasabay ng pagbukas ng ilaw ay nakita niya si Christian at ang kapatid nito. Sa hindi inaasahan ay biglang dumulas ay tuwalyang nakabalot sa katawan niya dahilan para manlaki ang mata niya sabay takip sa katawan.

Agad namang tumalikod si Christian at nilakihan ng mata ang kapatid. "Shut your eyes off, jerk."

Kumaripas ng takbo si Zia pabalik sa kaniyanh kwarto at hindi sinasadyang ibagsak ang pinto. Sa bilis ng pangyayari ay nagkatinginan ang magkapatid bago ito naupo sa sala.

"That was... crazy, bro," hindi pa din makalimutan ni Johanan ang pangyayari. "You didn't mention that your wife is hot, paano mo siya nakilala?"

"Don't even think about it, Johanan. Ayokong pag-usapan ang nangyari at pwede ba? Kalimutan mo na ang mga nakita mo kung meron ka mang nakita or else..."

"Woah, chill! Hindi ko naman tiningnan ang asawa mo, Kuya baka ikaw pa dyan pero sabagay asawa mo naman siya. Pasalamat ka, nakaharang ka sa harap ko kung hindi..." may halong pang aasar na wika ni Johanan sa kapatid.

Kinuha ni Christian ang unan sa likod niya at saka binato sa kapatid. "Go to hell! Gabi na, magpahinga ka na sa kwarto mo at huwag kang lalabas."

"Bakit? Gagawa kayo ng baby, no?" Nanliit ang mata ni Johanan.

"Tsk. Baby your face. Gusto mo ibalik kita sa kulungan?"

Mabilis na tumayo si Johanan at lumapit sa kapatid. "Ikaw naman kuya, di ka mabiro. Ito na oh, pupunta na ko sa kwarto at matutulog na."

Tanging iling lang ang binigay sa kaniya ni Christian at pinanood siyang makapasok sa kwarto. Pagka-alis ni Johanan, tumayo na din si Christian at kinatok ang pinto ni Zia.

"Zia?"

Sa kabilang banda, kanina pang naghihintay si Zia sa kaniyanh kwarto nang kumatok si Christian. Labis pa din ang kaniyang kahihiyan dahil sa nangyari kanina, ilang saglit pa bago niya buksan ang pinto.

"Uh, ano yon?" Hindi mabatid ni Zia kung saan nanggaling ang lakas ng loob niya para kausapin ang lalaki.

"Can I come in?" Tanong ni Christian.

Ngumiti at tumango naman si Zia pagkatapos ay pinagbuksan ng pinto ang lalaki para pumasok ito at sumunod siya.

"Uhh..." umatras ang dila ni Christian ng makita niya ang kabuuan ng kwarto ng babae.

Iyon ang unang beses niyang nakita ang kwarto ni Zia at hindi niya maiwasang mamangha sa linis at ayos nito. Kasabay pa ng bagong ligo si Zia at basa ang buhok nito, napalunok si Christian sa naisip.

"Uhmm, sorry about earlier. That was my brother, dito siya matutulog ngayong gabi. Okay lang ba sayo?" Pag iiba ni Christian.

"Oo naman. Nagulat lang ako kanina... akala ko kasi matagal ka pa," tugon ni Zia.

Nabalot ng katahimikan ang paligid matapos nun, tanging mga mata na lamang nila ang tila nag-uusap. Ilang minuto pa ang lumipas bago nagsalita si Christian.

"Uhmmm, sige, that's all. You can rest na and also don't forget to lock the door, naglalakad kasi si Johanan sa gabi pag tulog."

Bubuksan na sana ni Christian ang pinto ngunit may naalala si Zia. "Wait lang... hindi ba magtataka ang kapatid mo kapag nagising siya at nalamang hindi tayo magkasama sa isang kwarto?"

Natigilan si Christian at napaisip.

"Alam niya bang nagpapanggap lang tayo? Kasi kung hindi, pwede ka naman muna dito matulog ngayong gabi. Sa sofa na lang ako o sa sahig since meron namang extra matress dyan sa cabinet."

Agad na umiling si Christian. "That's not right. I should be the one who's supposed to do that pero okay lang ba talaga sayo?"

"Oo naman..."

"Sige, you sleep on the bed. I'm fine with the sofa."

"Sure ka?" Tila bakas ang pag aalala ni Zia. "Maliit lang ang sofa, hindi ka kasya."

Tumingin naman si Christian sa sofa na tinutukoy ni Zia, at tama siya, kalahati lang ng katawan niya ang laki ng sofa.

"Okay then maybe I'll sleep on the floor."

Kinuha ni Zia ang matress at pinakita kung gaano iyon kaliit. "Hindi ka din kasya dito."

"There's no way I would let you sleep on uncomfortable... kwarto mo 'to kaya dapat sa kama mo ikaw matulog," giit ng lalaki sa kaniya.

May punto naman siya pero wala ng ibang choice.

"Ganito na lang, tabi na lang tayo sa kama?" tila di siguradong alok ni Zia. "Lagyan na lang natin ng harang tutal malaki naman ang kama at siguradong kasya tayong dalawa lalo kana."

Hindi na nakipagtalo si Christian dahil wala namang mas magandang ideya siyang naiisip maliban sa sinabi ni Zia. Tinulungan na lamang niya ang asawa niya na mag-ayos ng kama.

"I guess that's fine? Maglilinis lang muna ako ng katawan," paalam ng lalaki. "You go ahead and rest, good night wife."

Tumango si Zia. "Good night."

Kinaumagahan, maagang nagising si Zia para magluto ng pagkain ng asawa at bayaw niya. Sumunod namang nagising ang kapatid ni Christian na si Johanan kaya labis ang kabang naramdaman ni Zia habang nagluluto.

"Good morning, beautiful sister..." bati ni Johanan.

Tulad ng nakakagawian ng lalaki ay kumuha ito ng malamig na tubig sa ref at umupo sa lamesa kung saan napapanood niya ang ginagawa ni Zia.

"Uh, hi, good morning..." nahihiyang wika ni Zia.

"Kamusta namang asawa ang kapatid ko? Is he good to you? Huwag kang mag-alala, kapag sinaktan o niloko ka nan, akong bahala sayo."

"Okay naman, mabait naman siya, wala naman kaming problema," tugon niya.

Johanan nodded before he took a sip. "You know what? I'm really curious about your relationship. Bigla na lang akong nagulat na kasal na pala si Kuya, for sure, our family too. Are you guys legit?"

"Legit?" Kunot noong tanong ni Zia habang hawak ang sandok.

"Oh yeah, sorry about that, it means real. Totoo bang kasal kayo ni Kuya or he just hired you to be his wife? Sorry if I offended you pero kilala ko kasi ang kapatid ko. He's not into a relationship," paliwanag ni Johanan.

"Ahhh, oo. Kasal talaga kami, we just got our certificate noong isang araw, wala kasi akong family kaya hiniling ko sa kaniya na huwag engrande," may halong kasinungalingang sagot ni Zia at saka pinatay ang stove. "Luto na ang food. Gusto mo na bang kumain? Ipaghahanda kita."

"Ang bait mo naman, masyado kang mabait para sa Kuya ko. But thanks anyway," tumayo na si Johanan at nilapag sa lababo ang baso na hawak niya. "Akala ko talaga wala ng pag-asa si Kuyang makahanap ng iba although I can see why he fall inlove with you pero iba din kasi ang tama ni Kuya kay Samantha..."

Natigilan si Zia sa narinig at takang lumingon kay Johanan na nanlaki naman ang mata.

"Oops, I shouldn't have name drop. Forget what I've said, shucks. Patay ako kay Kuya kapag nalaman niyang sinabi ko sayo..." sambit ni Johanan.

"Sino si Samantha?" tanong ni Zia.

Tumingin muna si Johanan sa paligid bago lumapit kay Zia. "Huwag mong sasabihin kay Kuya na sinabi ko sayo ha? Hindi mo naman na kailangang mag-alala kay Sam kasi mukha namang mahal ka talaga ng kapatid ko. She's Kuya's first everything."

"Ahh, wala namang problema sakin," ika ni Zia kahit sa pinaka sulok ng puso niya at tila may kumirot.

"Pero sakin meron..."