CHAPTER 10

Ilang oras din ang biyahe ni Carissa mula sa beach house patungo sa opisina ni Dark. Habang papalapit na siya sa gusali, tinitingnan na siya ni Dark mula sa CCTV monitor. Malamig ang tingin, at ang mga paa niya ay nakapatong sa mesa. Walang bakas ng emosyon sa kanyang mukha, pero alam niyang darating ang sandaling ito.

Pagdating ni Carissa sa entrance, humarap siya sa guard na naka-duty. "Kailangan kong makausap si Dark," madiin niyang sabi, dala ang pag-asa na makita na niya si Malia. Gusto niyang makuha ang anak niya at umalis agad sa lugar na ito.

"Ma'am, hindi po kami uma-accept ng bisita kapag wala pong appointment kay Sir Dark," sagot ng guard, matigas ang tono, na para bang isa na lang ito sa mga routine niyang trabaho.

"But! Look, kailangan ko siyang kausapin! Please!" pagsusumamo ni Carissa, pero tila bingi ang guard. Naiinis na siya, at tila nawawala na ang pasensya niya.

"Ma'am, hindi nga po pwede. Wala pong notice ang tauhan ni Sir Dark para papasukin kayo," the guard s