Chapter 15

Pinagmasdan ko ang inosenteng mukha ni Evara habang kumakain siya ng pasta at nanunuod ng videos sa cellphone ko. Hindi ako papayag na makuha siya ni Ryan nang ganoon lang kadali. Kahit dumaan pa kami sa korte, ipaglalaban ko ang karapatan ko bilang ina ni Evara.

"Anong plano mo ngayon? Mukhang seryoso si Ryan sa gagawin niya," sabi ni William at nilagyan ng wine ang baso ko. "Ayokong makisali sa problema niyo, Sabrina. Kaibigan ko kayong dalawa at hindi dapat ako pipili kung sino ang papanigan ko."

"Ayos lang ako, Wil. Gagawin ko ang lahat upang hindi niya makuha si Evara sa akin," sabi ko. Pilit kong hindi pinapahalata sa kaniya ang takot sa posibleng mangyari kapag natalo ako ni Ryan.

"Kakausapin ko rin si Ryan. Pero hindi ako sigurado kung magbabago ang desisyon niya dahil noon pa man determinado siyang mahanap ka at makuha ang bata, Sabrina. Siya lang ang nag-iisang anak at hinahanapan na kasi siya ng anak. Kung hindi niya maibibigay ang hinihingi ng mga magulang niya, aalisan