Chapter 16

Inimbitahan kami ng mga magulang ni Ryan na pumunta sa bahay nila kasi kaarawan ng kapatid niya. Labag man sa loob kong pumunta, wala akong ibang nagawa dahil pinilit ako ng mga magulang niya. Balak ko ring opisyal na ipakilala si Evara sa pamilya ni Ryan. May karapatan siyang makilala ang kaniyang ama at pamilya nito. Ayokong maranasan ng anak ko kung ano man ang naranasan ko.

"Mommy, you're so gorgeous!" sabi ni Evara pagkatapos kong ayosan ang sarili ko.

"Saan pa ba magmamana ang anak ko?" nakangiting saad ko at hinawakan ang kamay niya. "Gusto mo bang makilala ang Daddy mo?"

"He's alive? I thought he's dead," wika ni Evara, bakas sa boses niya ang pagkagulat.

"He's alive, Eva. And he wants to meet you. Gusto ka rin makilala ng mga pamilya niya."

Lumiwanag ang mukha ni Evara. "I can't wait to meet them!" excited niyang saad.

Pagdating namin sa living room, nakapagbihis na rin si William. May kausap siya sa telepono, hindi na naman maipinta ang mukha niya sa sobrang kunot ng n