Episode 24: Mood swings

Millow's POV

Pumunta ako sa mansyon nang magising ako nang maaga pero agad akong hinarang ng hardinero. Nasa labas lang ako ng gate para abangan sana ang asawa ko.

"Millow, baka makita ka ni Sir." Nag-aalala itong napalingon sa bahay bago ako binalingang muli. "Paalis siya ngayon kaya please, 'wag ka munang magpakita."

Hindi ako natatakot. Gusto ko lang kausapin ang lalake para humingi ng tawad. Sabi ko nga kagabi, magpapakabait muna ako habang iniisip ko pa ang gagawin ko. Kailangan ko na ring mag-enroll at balak kong kausapin si Lake para masustentuhan nito kahit pang-allowance ko man lang. Scholar naman ako pero poproblemahin ko ang pamasahe at ilang miscellaneous na gastusin sa paaralan.

"Wag kang mag-alala, si Lake talaga ang sadya ko rito." Tumila na ang ulan pero makulimlim pa rin ang kalangitan nang tumingala ako. Sakto namang lumabas ang asawa ko kaya nagtama ang mga mata namin. "L-Lake, pwede ba tayong mag-usap?"

"What are you doing here?" Kasing-lamig ng panahon ang pakiki