Chapter 1: A Night of Mistaken Passion

Fiona’s POV

"Sigurado ka ba dito?" tanong ni Marie, ang mga mata niya puno ng pag-aalinlangan habang nakatitig sa akin.

Nasa loob kami ng isang dimly lit na bar, nakaupo sa isang secluded booth na malayo sa ingay ng crowd. Hawak ko ang isang baso ng wine, pero ni hindi ko pa ito natitikman.

I clenched my fingers around the glass, inhaling deeply. "Yes. Kailangan ko itong gawin, Marie."

Napailing siya, bumuntong-hininga bago muling nagsalita. "Fiona, alam kong mahal mo pa rin si Aries... pero sa tingin mo ba may magbabago pa?"

Napayuko ako.

"Hindi ko alam... pero gusto ko pa ring subukan." Mahina kong sagot, ramdam ang pangungulila sa tinig ko.

Matagal ko nang nararamdaman ang unti-unting paglamig ni Aries sa akin. Ilang beses ko nang sinubukang ayusin ang relasyon namin, pero parang ako lang ang lumalaban. Hindi ko na mabilang kung ilang gabi akong naghintay sa kanya, ilang beses akong nagkunwaring okay kahit pakiramdam ko ay unti-unti akong nawawasak.

At mas lalong lumilinaw ang takot ko—baka iniisip na niyang iwan ako.

Kaya ginawa ko ang planong ito.

Nag-book ako ng honeymoon suite sa Fate Hotel—isang lugar na matagal nang gustong puntahan ni Aries. Sinabihan ko siyang hintayin ako roon. Hindi ko alam kung tama ito, pero ito na lang ang natitirang paraan ko para iligtas ang kasal namin.

"Gusto ko lang ipaalala sa kanya na nandito pa rin ako." Bulong ko, pilit ang ngiti.

Hinawakan ni Marie ang kamay ko, malamig ito, tulad ng pakiramdam sa loob ko. "Sana nga, Fiona. Sana dumating siya."

Ngumiti ako, kahit may kirot sa dibdib.

"Darating siya," sagot ko, kahit hindi ako sigurado.

Pagdating ko sa Fate Hotel, agad akong dumiretso sa bar. Kailangan kong magpalakas ng loob bago umakyat sa kwarto.

Isang baso ng whiskey lang ang ininom ko—pero ramdam ko agad ang init na gumapang sa katawan ko. Malabo ang isip ko habang papunta sa Room 609. Tumigil ako sa harap ng pinto, sinubukang pakalmahin ang mabilis na tibok ng puso ko.

Bakit hindi naka-lock?

Bahagyang nakaawang ang pinto.

Baka naghihintay na siya...

Dahan-dahan akong pumasok at isinara ang pinto.

Madilim ang kwarto, pero may aninag na liwanag mula sa malaking bintana. Tumalon ang puso ko nang makita ko siya.

Nakatayo siya sa harap ng kama, nakatapis lang ng tuwalya, pinupunasan ang basang buhok.

Napahinto ako.

Bakit parang mas... matikas siya? Mas matangkad? Mas malaki ang katawan kaysa sa dati?

Pero hindi ko na masyasong binigyan ng pansin dahil gusto kong bumawi . Lagi rin niyang sinasabi sa akin noon na hindi raw ako exciting sa kama—kaya ngayong gabi, ipapakita ko sa kanya kung gaano ako kagustong maayos ang relasyon namin.

Ngayon, kailangan kong gawin ito.

Dahan-dahan akong lumapit at niyakap siya mula sa likod.

Nagulat siya, narinig ko ang mahina niyang mura.

Bago pa siya makapagsalita, hinila ko siya palapit at mariing hinalikan.

Hindi ko na inisip kung tama ba ang ginagawa ko.

Wala akong pakialam kung anong mangyayari.

Ang tanging gusto ko lang ay maramdaman ang init ng katawan niya, ang mga labi niyang tumutugon sa akin.

Nag-aalangan siya saglit—parang nagulat. Pero nang magtulungan kaming alisin ang mga saplot sa aming katawan, nawala ang alinlangan ko.

Hinila ko siya sa kama, ninamnam ang bawat halik, bawat hawak, bawat sandali.

Naging mapusok ang bawat galaw namin. Ang bawat haplos niya ay nag-iwan ng marka sa balat ko. Ang init ng hininga niya sa leeg ko, ang mabibigat niyang kamay na dumadama sa katawan ko—hindi ko na kayang lumaban sa alon ng emosyon na bumalot sa akin.

Sa pagkakataong ito, wala akong ibang iniisip.

Walang takot.

Kami lang.

At sa gabing ito, hahayaan ko ang sarili kong maramdaman na muli akong ninanais, na muli akong may halaga.

Nagising ako sa init ng katawan sa tabi ko.

Bahagya akong napangiti—si Aries.

Dumating siya.

Nakahiga siya at nakatalikod, kaya hindi ko makita nang buo ang mukha niya. Pero kitang-kita ko ang matikas niyang katawan. Mas fit siya kaysa sa dati… mas maskulado.

Napansin ko rin kung gaano siya ka-attractive ngayon.

Napahawak ako sa dibdib niya, marahang hinaplos ito gamit ang hintuturo ko.

Naramdaman kong gumalaw siya.

Ngumiti ako, pero nawala agad iyon nang lumingon siya.

Nanlaki ang mga mata ko.

Hindi ito si Aries.

"S-sino ka?!"

Napaatras ako, hawak ang kumot, nanginginig ang boses.

"Anong ginawa mo sa akin?"

Napangisi siya, ang malalim niyang tinig ay parang nanunukso.

"Whoa, hold on. I think we got it all wrong here."

Malamlam pa ang mga mata niya sa antok, pero kita ko ang amusement sa mukha niya. Parang enjoy na enjoy siya sa nangyari kagabi.

"Ikaw ang may ginawa sa akin, remember? Kung paano mo ako biglang hinalikan at itinulak sa kama."

Nanlaki ang mga mata ko.

"A-anong sinasabi mo?!"

"Relax, sweetheart." Ngumiti siya, pinasadahan ako ng tingin mula ulo hanggang paa. "I swear, para mo akong pinagsamantalahan kagabi," he said with a teasing grin. "But since I’m a gentleman, I helped you out."

Pakiramdam ko ay nagliyab ang mukha ko sa hiya.

"T-tama na! Ayoko nang marinig pa!"

Tinutok ko ang mga mata ko sa kanya, at nakita ko ang reaksyon niya—parang chill lang siya, habang ako naman gustong-gusto ko nang matunaw sa kahihiyan.

"Ano ba! Paano ka nakapasok sa kwarto ko? Ako ang nag-book ng room na ito!"

Ngumisi siya, parang may alam siyang hindi ko alam.

"Well, maybe you should check your booking details."

Binigyan niya ako ng isang knowing smirk bago tumayo, walang pakialam na nakatapis lang siya.

"I’m in Room 609."

Parang biglang nanlamig ang buong katawan ko.

Nagmamadali kong kinuha ang phone ko at tiningnan ang confirmation email. Nang makita ko ang room number, nanlaki ang mga mata ko.

Room 606?!

"H-Hindi...! Dapat 609 ang room ko!"

Tiningnan ko siyang muli—at mas lalong nanikip ang dibdib ko.

Hindi lang ito simpleng pagkakamali.

Isang napakalaking pagkakamali ang nagawa ko.