Chapter 20

DANIEL ARAGON BUENAVENTURA POV

Habang papuntang hospital, hindi pa rin maalis-alis sa isipan ko ang mukha ng dalawang batang kasama ni Arnold. Gusto ko sana silang lapitan kanina para kumprontahin at tanungin ang magaling kong half brother kung nag-asawa na ba siya. Kung sino ang dalawang batang iyun pero muling nagreklamo si Anyana na nahihirapan na namang huminga.

Sabagay, mabuti na din siguro na hindi ko sila nilapitan. Wala na akong pakialam pa kung nag-asawa na ba siya at nagkaanak ng pasekreto. Ang importante kung atupagin ngayun ay si Anyana. Ang anak kong masyado nang pinapahirapan ng sakit niya.

Hindi ko napigilan na mapasulyap kay Jeneva. Kanina pa siya walang tigil sa pag-iyak. Kung wala lang kami sa nakakatakot ng sitwasyon, baka kanina ko pa siya binulyawan ulit dahil sa katangahan niya!

Kung hindi niya sana nilabas ng mansion si Anyana hindi sana mangyari ito. Hindi nag-iisip at pinapairal ang katangahan.

Pagdating sa AB Medical Center kaagad na inasikaso ang