Chapter 98

“Ngayong boyfriend ka na ng anak ko, I guess ay wala na naman akong magagawa kung hindi ang tanggapin ka bilang parte ng buhay ni Stacy.” Nakikinig lang ako sa mga sinasabi ni Mr. Mendoza sa akin. “Alam mo naman na ngayon lang kami uli nagkasundong mag ama kaya ayaw kong gumawa ng mga bagay na magiging dahilan para sumama ang loob niya sa akin. Hindi ko gusto na magkaroon uli siya ng dahilan na magalit sa akin at tuluyan na akong hindi pansinin at kausapin.”

 Kanina pa ako rito at ang sabi niya ay natutulog raw si Stacy. Gusto niya nga sanang gisingin na noong dumating ako pero pinigilan ko siya. Naisip ko rin naman ang posibilidad na natutulog pa si Stacy habang papunta ako rito kanina dahil hindi siya sumasagot sa mga tawag at text messages ko. Mas gusto ko na makapagpahinga muna siya para makabawi siya sa pagod at puyat bunga ng pagbabantay niya ng ilang gabi sa Daddy niya sa ospital. Kailangan niya na bawiin ang lak