Chapter 106

Isang oras na simula nang matapos ang shoot pero nandito pa rin ako sa third location namin, sa  isang restaurant dito sa Tomas Morato. Nagkwekwentuhan pa rin kasi kami nina ate Raq at sir Sam.

“Uy Stacy, baka uminit na naman ang ulo ni Rekdi. Kanina ka pa niya hinihintay sa kotse. Mababakas ang pag aalala sa boses ni ate habang sinasabi niya sa akin iyon.

Dahil maaga naman kaming natapos ngayon ay gusto ko pa silang makausap. Wala pa kasing alas diyes ay pack up na kami. Kaya naman nagpaalam ako kay Richard na kung pwede ay makikipagkwentuhan muna ako kahit sandali kina ate Raq at sir Sam, pumayag naman siya. Tutal naman ay nagpaiwan din sina kuya Mike at kuya Eric para makipagkwentuhan sa kanya. Pero kanina pa umalis ang guapito boys, thirty minutes na rin yata ang lumipas. Kaya naman, nagpunta na lang sa kotse si Richard at doon niya ako hinihintay ngayon. Sigurado ay nanonood na naman iyon ng paborito niyang documentary series kaya hindi na