Chapter 105

Pagkatapos akong asarin ay si Sam naman ang napagbalingan ng grupo. Hindi sila tumitigil sa pang aasar dahil sa sinabi kong paraan ng paghahanap sa akin ni Lola Cedes sa kanya. Kahit ako noong narinig iyon ay natatawa dahil tinawag na bading ni Lola si Sam. Biruin mo iyon, si Sam na bestfriend ko, isang taong kilalalng kilala ko ay sasabihin ni Lola na bading. Sobrang nakakatawa naman kasi iyon.

At dahil alam ko naman na napakaimposibleng bagay iyon, sasali na rin sana ako sa grupo sa pang aasar sa kanya pero nakita ko ang nagbabantang tingin sa akin ng Babe ko kaya pinigilan ko ang sarili ko na sumabat. Oo na, aminado ako na takot akong talaga kay Stacy, mahirap na at baka hindi pa matuloy iyong gagawin namin mamaya sa bahay. Baka mag init pa ang ulo nito sa akin, mahirap na.

“Oo! Bakla ako! Ano naman ngayon? May problema ba kayo sa pagiging bakla ko?” Mayamaya ay narinig kong sinabi ni Sam sa amin.

Hindi ako nakahuma dahil sa narinig