Chapter 103

“Ano ba! Nakakainis ka na ha!” Naiinis kong sabi kay Richard na katabi ko ngayon sa kotse. Hindi ko napigilan ang sarili ko na hampasin ang braso niya. Pabalik na kami sa shoot at papunta na sa susunod na location, nakakainis lang kasi dahil kanina ko pa napapansin ang ngiti sa labi niya. Palalampasin ko na nga lang sana dahli ang buong akala ko ay babaguhin naman niya ang uri ng pagkakangiti niya, pero lumipas na ilang minuto ay ganoon pa rin. Aakalain mo na nakaplaster na iyon sa pagmumukha niya kaya mas lalo akong naasar. Naiinis ako dahil hindi ko alam kung para saan iyon, hindi ko alam kung ano ang ibig sabihin ng ngiti na iyon.

“Aray naman Babe!” Akala mo naman ay totoong nasaktan siya kung maka array naman ang lalaking ito. Hindi pa nakuntento, hinimas niya pa ang tinamaang braso na hinampas ko. “Ano ba ang ginawa ko?” Pagmamaang maangan niya pa na lalong ikinainis ko. Kulang na lang ay sabunutan ko siya pero pinigilan