Chapter 32

Aria’s POV

Katahimikan ang namayani sa pagitan naming dalawa ni Harris habang nakatayo siya sa aking harapan na may dalawang dipâ ang layo mula sa akin.

Ako na nanatiling nakaupo sa swivel chair, Kapwa kami nakatitig sa mukha ng bawat isa.

Ang aking asawa na samu’t-saring emosyon ang makikita sa mga mata nito, kasiyahan, pananabik, pangungulila at labis na pagmamahal.

Hindi ko alam, baka dinadaya lang ako ng aking paningin.

Ang lahat ng damdamin na nakita ko sa paraan ng tingin nito sa akin ay kabaligtaran ng tingin na ipinupukol ko sa kan’ya, galit, pagkamuhi at matinding sama ng loob dahil sa panloloko nito sa akin.

Siya ang klase ng tao na magaling magpaikot at gagawin kang tau-tauhan, katulad ng ginawa nito sa akin noon, para malaya niyang maangkin ang lahat ng mayroon ako.

Dahan-dahan itong humakbang palapit sa akin habang nanatiling magkahinang ang aming mga mata.

Hindi makapaniwala na ikinulong nito ang aking mukha sa mainit niyang mga palad.

Napatingala ako at Kusang pumikit