Chapter 17

Aria’s POV

“Ilang taon ka na Collin?” Natigilan ako sa tanong ni Liza, kasalukuyan kaming nandito ngayon sa loob ng kwarto ni Harris upang maglinis.

Abala ako sa pagpupunas ng mga aparador ng bigla itong magtanong sa akin.

Nakaupo siya sa sofa habang nakacrosslegs at sa ibabaw ng mga hita nito ay nakapatong ang isang magazine na kan’yang binabasa.

Napaisip akong bigla dahil sa tanong nito, hindi ko na kasi alam kung ilang taon na ako, dahil noong mga panahon na nakakulong ako sa loob ng kwarto ay tanging ang oras lang ang alam ko.

“Huwag mong sabihin na hindi mo alam ang edad mo?” Namamangha na muling tanong niya sa akin, naalarma ako sa kan’yang pahayag.

Hindi kasi pwedeng malaman ng kahit na sino ang totoong pagkatao ko, dahil natatakot ako na baka malaman nina mama Lyra ang kinaroroonan ko at ibalik nila ako sa loob ng kwarto na naging kulungan ko sa mahabang panahon.

Mas pinili ko na lang na manahimik at magpatuloy sa aking ginagawa.

“Kawawa ka naman pala, marahil ay ulila ka na k