ANG LIHIM NG BUSINESS MAGNATE

“Hmm…kaya pamilyar sa iyo ang BDSM bed at ang mga kagamitang ito sa loob ng kanyang basement?”

Nang makita ni Tracy ang ilang mga larawan kuha sa tila dungeon, nanginig ito at kinakitaan ng trauma. “Kanya pong lahat iyan!”

Ang bondage set kit restraints kagaya ng lubid, posas, ball gag, corset, pamalo at iba’t ibang sex toys na lahat ay kasumpa-sumpa sa kanya!

“Ito po! Ito pa po ang bakas ng pananakit niya sa akin!” Ipinakita nito ang loob ng katawan na may pilat ng mga paso  mula sa sigarilyo at kandila.

Hindik na hindik si P03 Mendez sa nakikita, “Mala sa hayup pala iyong negosyanteng iyon!”

“Ikinatatakot kong sumapit ang gabi at gusto niya akong gamitin, alam ko kung paano muli niya akong pahihirapan. Ang lahat ay bangungot sa kin!”

Dala ng babae ang kanyang mga medico legal, katunayan ng kanyang mga pinsalang tinamo sa kamay ng naka-live in na business magnate.

“Katunayan po, tinahi ang aking s-sex organs dahil p-pinasukan niya ako ng mga bagay!” Tuluyang humulagpos ang galit ng babae.

“Bakit di mo siya inireklamo? Bakit pinabayaan mong babuyin ka niya, saktan sa ilang panahon?” May gigil sa boses ng major.

Yumuko ang babae, nagpakita ng pagiging talunan. “N-Nang malaman niyang magsusumbong ako rito, b-binayaran niya ako ng isang milyon…”

Nanlaking mga mata ni P03 Mendez, “Isang milyon kapalit ng pagpapahirap sa iyo? Dapat kinasuhan mo pa ng rape ang hayup na iyon!”

“Wala rin po akong nagawa, binantaan niya ako na papatayin ang pamilya ko kaya nagdesisyon na akong lumayo sa kanya!”

“Bukod sa iyo, wala ka bang ibang alam na gayundin ang ginagawa niya sa ibang naging nakarelasyon niya?”

“Ang asawa niya, Sir! Nakausap ko sa F* messenger nang pakialaman kong cellphone niya habang tulog siya. Sinabi niyang sadista si Andy!”

“Marahil iyon ang dahilan kaya iniwan siya ng kanyang asawa at naglagi na sa Amerika. Isang pilantropo pero ang totoong anyo ay mala hayup!”

“Kaya’t nang mapatay siya, masama man, nakaramdam ako ng tuwa.”

“Kung ganon, naniniwala ka ba na ganyan din ang ginawa niya sa babaeng ito? Siya ang huling nakasiping ni Mr. Balderama, or kinaladkad sa kama!”

Titig na titig si Tracy sa babae, bagaman nakasuot ito ng mascara sa isang masquerade party. Hindii niya maintindihan parang ibang pakiramdam niya.

Hindik na hindik ang dalaga. Nagkalat ang mga dugo at mga walang buhay na negosyante sa dalawang silid. “I-Ito pong huli niyang babae?”

“Actually, nakuha nila or nakilala sa party. Dinala sa bahay ni Mr. Balderama. Walang alam mga katulong sa nangyari. Kilala mo ba iyan?”

“H-Hindi po! Hindi ko siya kilala!”

“Anyway, malaking tulong mo sa kaso para patunayan sa korte may motive ang ginawang pagpatay sa grupo. Pero di pa rin siya ligtas sa kaso!”

Naihatid na sa kanyang kotse ang babae. Habang umaandar di ito makapaniwala sa nalaman. May dinayal ito sa kanyang cellphone.

“Hello…” manipis na boses mula sa kabilang linya.

“Kelly! Oh my God, hanggang ngayon nanginginig ako! Kagagaling ko lang sa presinto, inimbestigahan nila ako sa pagkamatay ni Andy!”

“Oh? Ano’ng nangyari? Kilala na ba ang suspects?”

“Suspect! At sa maniwala ka’t sa hindi, isang maliit na babae ang hinala nilang pumatay kay Andy at sa mga kasama niyang businessmen!”

Sandaling katahimikan, nang sumagot ang babae sa linya may himig itong matinding pagkagalit. “Dapat lang silang mamatay, mga demonyo sila!”

Samantala, kinabukasan pagsikat ng araw naroroon na ang bagong tindera ni Aling Teysi  kaya ganado sa pagtulong si Pikoy sa tindahan ng matanda.

Panay ang sipol nito, at pa-cute kay Nena. Bagay na napansin agad ng parukyano rin ng karinderyang si Ka Ambo. “Mukhang amoy pag-ebig, ah!”

“At saka, iba ang hitsura ni Pikoy ngayon, mukhang nagbabad sa tubig at sabon, namumutla pa rin ang kutis, e! Kulang nalang magkurbata!”

Napahagalpak ng tawa ang tindero ng yosi sa mga kumakain sa kanyang harapan. “Hahaha! Kayo naman, ‘yaan n’yo nalang ako minsan lang ‘to!”

“Maganda palang impluwensya ng may magandang binibini rito, Teysi at iyang utusan mo’y natututong maligo nang maayos! Dati’y wisik-wisik lang!”

Napapailing nang biyudang babae. Alam niyang totoo ang sinasabi ng mga suki. Pero di siya sang-ayon na maaga pa’y ligawan ni Pikoy ang katulong.

“Hay naku! Unahin munang paghahanapbuhay nang magkaron ng laman ang sikmurang  laging walang laman!”

Napapakamot ng kanyang ulo si Pikoy, alam din niyang sila ni Nena ang pinariringgan ni Aling Teysi. Samantalang namumula si Nena sa pasaring.

Hanggang sa matanaw nilang may mga awtoridad na paparating. “Magandang umaga, Major! P03!” Agad na bati ng dalawa.

“Good morning din, Ka Ambo! Kami’y makikiupo rito at mag-aalmusal din!”

Agad napansin ng major ang bagong alalay ni Aling Teysi, di niya mawari parang nakita na niya ang maliit na babaeng nasa kanyang harapan.

“Sino siya, Aling Teysi?”

“Sir? Ah, si Nena, Sir! Iyong nakatira riyan sa ilalim ng tulay? Siya yung magsasampaguita, kinuha ko nalang po at nagtanan ang katulong ko.”

“Ah, hummm…” Tumangu-tango si Major Gonsales, tinitingnan niya ang bawat galaw ni Nena. Minsan lang niya nakita ang gusgusing dalaga.

Pailalim din ang tingin ni P03 Mendez, tila inaaral ang hitsura ng dalaga. Kung sa laki at pangangatawan, at sa bilog ng mukha, tila may katulad ito.

Nahahawig ito sa babaeng iniimbestigahan nila base sa sandaling kuha sa footages ng CCTV sa masquerade party. Ganito ang features ng ‘killer!’

 

“Ito nang tokwa mo, Ser!”   Inaaabot ni Aling Teysi ang tokwang pahabol na  order ni P03 Mendez. 

Ngunit sa iba nakatingin si  P03 Mendez.  Sinusundan ng paningin ang bawat kilos ng baguhang si Nena.  Hindi nakatiis ang kanyang hepe.

“Kanina pa nasa harapan mo ang pagkain, Mendez!”

Nagulat pa si P03 Mendez nang tapikin sa balikat ng kanyang hepe. “H-Ho? Sir! Ah, yes, Sir! Yes, Sir!” 

Lalong bumagal ang kilos ni Nena. Halos di ito makabasag-pinggan. Naasiwa siya sa makahulugang mga pagsulyap-sulyap ng pulis.

Hindi kaila kay Pikoy ang lahat. Panakaw din ang tingin sa awtoridad. Nakaramdam siya ng selos.  Maraming kalamangan sa kanya ito.

May hitsura si P03 Mendez, nasa 5’7, matikas, medyo maputi. Alangang maging pulis. Siya, nasa 5’5, payat, marungis tingnan sa maitim na kulay.

 

“Blag!” Malakas ka kalabog sa sahig.

Napalingon silang lahat sa gawi ng kusina. “Ano iyon?” Si Aling Teysi.

Agad pinasok ang tabing na kurtina lamang patungo sa loob. At narinig nila ang pag-uusap ng dalawa.

“N-Nadulas lang sa kamay ko ang balde, Aling Teysi! Pasensya na po!”

“Naku! Sa susunod magdahan-dahan ka! Nakakahiya sa mga kostumer ko, di basta-bastang pulis mga iyon!”

Sa labas…“Kaanu-ano ni Aling Teysi ang nagtitinda ng sigarilyo?” Kaswal na tanong ni Major Gonsales. “Hindi siya  tagarito…”

“Ay, tagabuhat ho ni Teysi iyang si Pikoy. Pinsan niyan, nangungupahan kay Teysi, nakikipisan siya. Isang taon palang iyan dito sa Maynila, Major!”

“Hmm…’di ba tirador iyan?”

Mabilis ang sagot ni Ka Ambo. “Naku, hindi ho! Matino ang batang iyan kahit mukhang hindi pagkakatiwalaan! Masipag sa legal iyan!”

Tumangu-tango ang major. Tila kumbinsido ito sa sinabi ng barbero. Malimit nitong tinatanong ang matanda. Dekada na ito sa lugar. 

Natapos kumain ang mga awtoridad, nagpaalam na ito sa mga tao. Habang pabalik sa istasyon, hindi nakatiis si P03 Mendez.

“Sir! Kung sa pisikal lang babasehan, nahahawig niya ang babaeng killer!