CHAPTER 137

NALIE ATHALIA...

Kinabukasan ay maaga pa lang ay gising na s'ya at ganon din ang kan'yang tatay Alonso.

Susunduin sila ng kuya Red n'ya gamit ang helicopter nito para walang abala daw. Ayon dito ay tamad na itong linisin ang daan at bakit pa daw ito gagamit ng kotse kung may sariling helicopter naman daw ito at hindi maharangan ng mga kalaban.

Kahit kailan talaga ay napaka salbahe ng kapatid n'ya lalo na kapag sinumpong ito ng kapilyohan.

"Tay parating na si kuya," pagbibigay alam n'ya sa ama. Nakita n'ya ang takot at pag-alala sa mga mata ng ama kaya naman ay nilapitan n'ya ito at hinawakan sa kamay.

"Tay, mabait sila, huwag kang matakot. Walang galit sayo sa pamilya ko tay. Ama din kita at mahal kita tay, at ang lahat ng mahal ko sa buhay ay mahal din ng pamilya ko," pagbibigay assurance n'ya sa ama. Tipid itong ngumiti sa kan'ya ngunit alam n'ya na sa loob nito ay may pag-alala pa rin ito.

Sinigurado n'ya na maging kampante ang kan'yang ama at mawala ang takot nito at pag-alala sa