SPECIAL CHAPTER 3

NALIE ATHALIA...

Naging matagumpay ang kanilang kasal ni Adrian. Lahat ay masaya lalo na silang apat ng kanilang mga anak. Parang kailan lang ay nakikipaglaban pa s'ya sa buhay ngunit ngayon ay larawan na sila ng isang masayang pamilya.

Sobrang mahal s'ya ng nasa itaas dahil hindi s'ya nito pinabayaan. Dumaan man s'ya sa mga mahihirap na pagsubok sa buhay ngunit nalampasan n'ya naman lahat at naging malakas at matapang para sa mga susunod pang pagsubok na ibibigay sa kan'ya.

Binigyan din s'ya ng lalaki na tanggap s'ya at totoong nagmamahal sa kan'ya. Who would have thought na mamahalin s'ya ni Adrian sa kabila ng kan'yang nakaraan kasama na ang katotohanan na kasal na s'ya sa iba dati.

"What are you thinking wife?" pukaw sa kan'ya ng asawa. Nakayapos sa bewang n'ya ang braso nito habang karga-karga naman sa kabilang braso ang kanilang prinsesa na halos hindi na maalis sa pagkakayakap sa leeg ng ama nito.

"I'm happy," nakangiting sagot n'ya rito.

"Ako ba ang dahilan ng kasiyahan na ya