CHAPTER 136

NALIE ATHALIA...

"A-Adrian?" halos pabulong na tawag n'ya sa pangalan ng binata. Nanginginig ang kan'yang buong katawan sa mga narinig mula sa kan'yang ama.

"Nalie, anak ok ka lang? Kamusta si Adrian anak? Inaalagaan ka ba n'ya ng maayos?" tanong ng ama sa kan'ya. Doon lang s'ya parang nahimasmasan at nagising mula sa mahimbing na pagtulog.

"T-Tay! A-Ang sabi n'yo si A-Adrian ang nagligtas sa akin at ang tumulong sayo. A-Ano ang apelyedo n'ya tay?" kinakabahan na tanong n'ya sa ama. Nagsalubong ang kilay nito habang nakatingin sa kan'ya.

"Hindi ba at binanggit ko na sayo ang apelyedo n'ya? Carson anak, isang Carson ang tumulong sa atin," sagot ng kan'yang ama na mas lalo n'yang ikinawindang. Ang akala n'ya kanina ay guni-guni n'ya lang ang binanggit nitong apelyedo ngunit hindi eh, totoong Carson ang apelyedo na sinabi nito at totoong si Adrian na ama ni Khairo at ang Adrian na tumulong sa kanila ay iisa.

Mahina s'yang natawa ng mahimasmasan at naihilamos ang mga palad sa mukha. Sino