CHAPTER 141

NALIE ATHALIA...

"Oh saan ka pupunta princess?" natatarantang sigaw ng kan'yang kapatid ng iwan n'ya ito sa balkonahe ng kan'yang kwarto. Dumiretso s'ya sa kan'yang closet at inilabas ang isang maliit na maleta.

Hindi n'ya naman kailangan ang isang closet na damit. Iilang piraso lang at bibili na s'ya pagdating n'ya sa Pilipinas.

Kumuha s'ya ng ilang piraso ng damit at isinilid sa kan'yang maleta. Hindi s'ya papayag na maikasal si Adrian sa iba ng hindi sila nagkakausap at nagkakaliwanagan.

Umalis lang s'ya para makapag-isip ng maayos ngunit hindi ibig sabihin n'on na wala na silang koneksyon na dalawa. Kung sino man ang pakakasalan nito ay sisiguraduhin n'ya na totoong nagmamahalan ang mga ito. Hindi s'ya basta-bastang susuko na lang lalo na kung makikita n'ya na hindi naman totoo ang pagmamahal ng mga ito.

Para s'yang sinasakal habang naglalagay ng mga damit sa kan'yang maleta. Masakit at mabigat ang kan'yang kalooban sa nalaman. Umaasa pa naman s'ya na maaayos pa nila ni Adrian ang